Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?
Inā hiki, makemake au e kākau ma ʻō aku o hoʻokahi ʻatikala ma ʻaneʻi ma kaʻu puke moʻomanaʻo pūnaewele i kēlā me kēia pule, akā, he manawa paʻahana loa noʻu kēia ma muli o ka haku ʻana i nā hōʻike ma ke kula kiʻekiʻe a me ke kula waena. I mua!
E kali ana au i ka hoʻomaka ʻana o ka Hoʻolauleʻa Pōpōhau o Huis Ten Bosch ma waena o kekahi mau mahina. Ua hele au i laila i kēlā makahiki aku nei a nani loa nā pōpōhau. I kēia lā, ua hele hou au i Huis Ten Bosch e nānā i ka Hoʻolauleʻa Pōpōhau i kēia makahiki. E mālama ʻia ana kēia hanana ma Huis Ten Bosch mai ka lā 7 a hiki i ka lā 30 o Iune. Ua kākau ʻia ma ka pelaha ma Huis Ten Bosch 650 nā ʻano pōpōhau. Hū ka nui! I koʻu manaʻo ʻoi aku ka nani o ka hoʻolauleʻa i kēia makahiki ma mua o kēlā makahiki aku nei. Eia kekahi, he lā wela kēia, akā he lā ua i koʻu hele ʻana i laila i kēlā makahiki aku nei. He mea nui ke anilā i ka huakaʻi ʻana, ʻeā?
 |
| He pelaha |
 |
| Ka puka komo |
 |
| Nā pōpōhau me ka huila makani |
 |
| Nā pōpōhau maʻamau |
 |
| Nui loa nā pōpōhau |
 |
| He ala i loko o nā pōpōhau |
 |
| Nā pōpōhau ʻo Blue Sky |
 |
| Nā pōpōhau ʻo Rotkehlchen |
 |
| Nā pōpōhau ʻo Chikushi Ruby |
 |
| Nā pōpōhau ʻo Ame Ni Utaeba |
 |
| He pōpōhau ʻano kākaʻikahi |
 |
| Kākaʻikahi nō hoʻi kēia ʻano |
 |
| Nui nā lihilihi |
 |
| Hoihoi ke kinona o kēia ʻano |
 |
| Nā pōpōhau ʻo Frau Mariko |
 |
| Nā pōpōhau ʻo Pink Annabella |
 |
| Nani kēia wahihoʻoluʻu |
 |
| Nā pōpōhau ʻo Red Beauty |
 |
| Nā pea kiʻi pōpōhau kūhelu o ka hoʻolauleʻa |
A hui hou!
No comments:
Post a Comment