ʻO Edward Foster

Aloha mai nō kākou e nā makamaka heluhelu a me koʻu mau hoaaloha!  Pehea mai nei ʻoukou i kēia lā?

I koʻu manawa kaʻawale, makemake au i ke kele ʻana i ka pūnaewele e nānā i nā kiʻi o ka pāheona.  Ua loaʻa iaʻu ke kahuapaʻa e pili ana i ka pena kiʻi ʻo Edward Foster i nehinei.  Eia ka loulou o ia kahuapaʻa.  Noho ʻo ia i Lancashire ma ke Aupuni Mōʻī Hui Pū ʻia.  Ua kaulana paha ʻo ia, akā, ʻo ka ʻoiaʻiʻo, ʻaʻole au i kamaʻāina me kāna mau kiʻi ma mua o nehinei.  I koʻu manaʻo, nani loa nā kala o ka pena āna e hoʻohana ana i kāna pāheona.

Ka Lele ʻAna o ka Manaʻoʻiʻo

Ke Kia ma ka Hola Mōlehulehu

Nā ʻĀhaʻi o nā Akuakua

Ka Huli ʻAna o ka Palekaiko

Ke Kumulāʻau o ke Ola

A hui hou!

Nā pelena laiki ʻōpae

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?

I kou hele ʻana a pōloli, makemake ʻoe e ʻai i kekahi ʻai māmā, ʻeā?  Makemake anei ʻoe i ke kokoleka?  i nā kipi ʻuala kahiki?  i nā kuki?  Nui koʻu makemake i nā kipi ʻuala kahiki, akā, ʻaʻole hāʻehuola.  Eia kekahi, ʻo ka hopena o koʻu hoʻomaka ʻana e ʻai i nā kipi ʻuala kahiki, e ʻai ana au i ka pūʻolo holoʻokoʻa.  Ma Iāpana nei, hiki ke loaʻa nā ʻano pelena laiki like ʻole.  I koʻu hele ʻana a pōloli, makemake au i ka ʻai ʻana i nā pelena laiki ʻōpae no ka Hui Kameda (亀田製菓).  Aia ʻekolu ʻope liʻiliʻi i loko o ka pūʻolo, no laila, maʻalahi ka ʻai ʻana i hoʻokahi ʻope wale nō.

Eia ka ‘ikepili kūlana ‘aiaola no ho‘okahi ʻope pelena laiki ʻōpae (28 kalame):

• ikehu‘ā .................................... 121 ikpk.
• polokina .................................. 1.8 kal.
• ‘ailakele .................................. 2.4 kal.
• kōpia ....................................... 23.1 kal.
• sodiuma .................................. 151 mkal.
• paʻakai .................................... 380 mkal.

I koʻu manaʻo, ʻoi aku ka hāʻehuola o kēia ʻano pelena laiki ma mua o ke kipi ʻuala kahiki maʻamau.  ‘A‘ole au ‘ike maika‘i, akā he ‘ai māmā maika‘i.

 

Ka Hui ʻo Kameda

Ke alo o ka pūʻolo

Ke kua o ka pūʻolo

Kekahi ʻope liʻiliʻi me 17 pelena laiki i loko

Nā pelena laiki ʻōpae!

A hui hou!

Nā meaʻono liʻilili no ka lā Heleuī

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?

ʻO ka lā Heleuī kēia.  Ma ka Poʻalua o kēia pule au i loaʻa ai i ʻelua meaʻono liʻiliʻi no ka lā Heleuī mai kekahi haumāna aʻu.  ʻO Kawahine kona inoa a makemake ʻo ia i ka hana ʻana i nā meaʻono like ʻole!  Laki nō au!  Ua kali au i ka ʻai ʻana i ia mau meaʻono a hiki i kēia kakahiaka!  Ua ʻono loa!

Ua kākau iho ʻo Kawahine i ka memo ma ka ʻōlelo Hawaiʻi ma ke kāleka Heleuī liʻiliʻi me ka pōpoki ʻeleʻele.

Hauʻoli Lā Heleuī iā kākou a pau!

Ka meaʻono liʻiliʻi no ka lā Heleuī

Ke kāleka Heleuī me ka pōpoki ʻeleʻele

Ka memo ma ka ʻōlelo Hawaiʻi

A hui hou!

Ka lā huapalapala Kōlea

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?

ʻO ka lā huapalapala Kōlea (한글날 hangeul nal) kēia lā!  He lānui kēia lā ma Kōlea.  Ua kuahaua ʻia nā huapalapala Kōlea ponoʻī e ka Mōʻī Sejong Nui (세종대왕 世宗大王 Sejong Daewang) i ka lehulehu ma ka lā 9 o ʻOkakopa i ka makahiki 1446.

Ma mua o ka haku ʻana i nā huapalapala Kōlea, ua hoʻohana ʻia nā huapalapala kiʻi Pākē (한자 漢字 hanja) ma Kōlea, akā naʻe, ʻaʻole ʻokoʻa ka pilinaʻōlelo Kōlea i ka ʻōlelo Pākē, no laila, ʻaʻole kohu maikaʻi nā huapalapala kiʻi Pākē i ke kākau ʻana i ka ʻōlelo Kōlea.  No laila, ua noi ka Mōʻī Sejong Nui i kekahi kōmike kūikawā (집현전 集賢殿 Jiphyeonjeon) e haku i nā huapalapala Kōlea ponoʻī.

Ka lā huapalapala Kōlea - 한글날

Ka Mōʻī Sejong Nui - 세종대왕

Ka Mōʻī Sejong Nui - 세종대왕

Ka lā 9 o ʻOkakopa

Ka Mōʻī Sejong Nui - 세종대왕

A hui hou!

Ka pia ʻo Blue Moon

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?

Kamaʻāina paha ʻoe i ka pia ʻo Blue Moon.  I koʻu hele ʻana i Huis Ten Bosch ma ka mokuʻāina o Nagasaki i kekahi mahina aku nei, ʻakahi nō au a kūʻai mai i ia pia.  Ma ka lepili o ka ʻōmole pia i kākau ʻia ai ka pia ma ke kaila Pelekiuma.  I koʻu huakaʻi ʻana i ʻAmelika i kēlā pule aku nei, ua ʻano pūʻiwa au i ka ʻike ʻana i ia pia ma ka mākeke nui maʻamau.  Ua hewa au no ka mea ua manaʻo au he pia Pelekiuma, ʻo ia hoʻi ʻo ka pia i hoʻokomo ʻia mai Pelekiuma.  Akā naʻe, ua huli aku nei au i ke kahua paʻa o kēia hui pia a ua heluhelu au he pia ʻAmelika i puhi ʻia ma ka mokuʻāina ʻo Kololako!

Makemake au i ka inu pia ʻana a laila ʻo Blue Moon kekahi pia punahele aʻu!  Ua hauʻoli au i ka inu ʻana iā Blue Moon ma Nūioka!

Ke alo o ka ʻōmole Kepanī

Ke kua o ka ʻōmole Kepanī

Ka lepili ma ka ʻōlelo Kepanī

Ka lepili

Ka hakulau lōkō

A hui hou!

Nā piku

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?

Hiki iaʻu ke ʻai i ka huaʻai  no ka ʻaina kakahiaka, ka ʻaina awakea, a me ka ʻaina ahiahi i kēlā lā kēia lā.  Nui koʻu makemake i nā huaʻai.  Akā naʻe, pipiʻi loa ka huaʻai ma Iāpana.  I nehinei, ua loaʻa iaʻu nā piku mai kekahi hoaaloha oʻu.  Ua hauʻoli nō au!  ʻOno nā piku.

Nā piku

 A hui hou!

Ke kī pōpōhau

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?

Hoʻomau nā lā wela ma Fukuoka nei a hana au i ke kī huʻihuʻi i kēlā me kēia lā.  Ma mua i koʻu huakaʻi ʻana i Kōlea, ua kūʻai mai au i kēia ʻano kī.  ʻO suguk cha 수국차 (水菊茶) ka inoa o kēia kī.  He aha ka manaʻo o ka inoa?  ʻO ka pōpōhau ka manaʻo o suguk 수국 (水菊) a laila ʻo ke kī ka manaʻo o cha 차 (茶).  He kī ʻano hūkākai, no laila, ʻaʻole ikaika loa.  He huahana o ka hui ʻo Ssanggye Tea 쌍계명차 a loaʻa nā kī like ʻole ma ke kahua paʻa o ka hui.  Inā ʻaʻole ʻoe paʻahana loa, e nānā i ia kahua paʻa.

ʻO ke kī pōpōhau

Nā kī like ʻole

ʻO ke kī palama

ʻO ka hakulau lōkō

A hui hou!

Ka Pāka Aupuni o ke Ana ʻElepani Pūhuluhulu

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?

Ua hoʻopau au i ka heluhelu ʻana i kekahi puke ʻōlelo Pelekānia i ka pō nei.  ʻO Underground ka inoa a ʻo Jean Ferris ka mea kākau. ʻO kekahi puke aʻu i kūʻai mai ai ma ʻAmelika ma mua.

He moʻolelo e pili ana i ka Pāka Aupuni o ke Ana ʻElepani Pūhuluhulu (Mammoth Cave National Park) ma ka mokuʻāina o Kenekuke.  I ka wā kahiko, ma kahi o nā makahiki 1840, ʻo Stephen Bishop ke alakaʻi i loko o ke Ana ʻElepani Pūhuluhulu.  He mea hoihoi loa, he kuapaʻa ʻo Stephen Bishop ma kēlā manawa.  Hilinaʻi ka haku o Stephen iā ia a hiki iā Stephen ke makahiʻo i loko o ke ana a ma hope ua kaha palapala ʻāina ʻo ia i ke Ana ʻElepani Pūhuluhulu.  Ua nui ka moʻolelo e pili ana i nā kuapaʻa i kēia nōwela.

He puke ʻo Underground na Jean Ferris

Ke alakaʻi ana ʻo Stephen Bishop

Ke alakaʻi ana ʻo Mat Bransford

He puke alakaʻi kahiko

A hui hou!