He kanauika kāmano uahi

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia mau lā?

He kanauika kāmano uahi

 Ua loaʻa iaʻu kēia kanauika mai kekahi haumāna aʻu ma hope o ka papa.  Ua nui koʻu māluhiluhi i ka pō nei, akā, ua hele au i ka hale hoʻoikaika kino ma hope o nā papa a pau.  Ma laila, ua ʻau au i hoʻokahi mika.  ʻAʻole nui ka lōʻihi, ʻeā?  I koʻu hele ʻana mai i ka hale, ʻaʻole au i makemake e ʻai a ua hoʻi koke i ka hiamoe.  Ua ʻai au i kēia kanauika no ka ʻaina kakahiaka i kēia lā!  Ua ʻono!  Aia ke kāmano uahi, ka lekuke, ka pakalī ʻĪkālia a me ka ʻōhia lomi i loko me ka ʻaila ʻoliwa!

Ka ʻaina kakahiaka

Ua inu au i ke kī me ke kanauika a ma hope ua ʻai au i ʻelua ʻālani Pākē liʻiliʻi.  Ua moloā au e paʻi ʻole i ke kiʻi o nā ʻālani Pākē.

ʻAno ʻeha kuʻu puʻu i kēia lā!  He anu paha koʻu.  Auē!

A hui hou!

Ka wai manakō

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia mau lā?

Ka wai manakō

Nui koʻu makemake i ka huaʻai!  Inā hiki, makemake au e ʻai i ka huaʻai i nā lā a pau i nā ʻaina a pau!  ʻOno loa!  Ua loaʻa iaʻu kēia wai manakō mai kekahi haumāna aʻu i ka pule aku nei a ma hope o koʻu ʻauʻau ʻana i ka pō nei, ua inu i kīʻaha wai manakō.  ʻOno nō!  Kūpū nō!  Momona nō!

He kīʻaha wai manakō

Aia ka hui ʻo Ambika ma Tokyo.  Kūʻai aku ʻo Ambika i nā meaʻai ʻĪnia ma Tokyo a i ʻole ma ka pūnaewele.  I kekahi lā, makemake au e kūʻai mai i nā meaʻai ʻĪnia ʻē aʻe.

He hui o nā meaʻai ʻĪnia ma Tokyo

I kēia pō kekahi ma hope o koʻu ʻauʻau ʻana, e inu ana au i ka wai manakō!  Nui koʻu hauʻoli!

A hui hou!

Ka hōʻikeʻike humukā

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia mau lā?

Ua pau ka hōʻikeʻike humukā a Kale i nehinei.  He pule lōʻihi loa a paʻahana nō no mākou, nō hoʻi nā kānaka kōkua iā ia.   ʻAʻole au ʻike i ka nui o nā kānaka i hele mai ai, akā, nui nā kānaka i kipa mai i nā lā a pau.

He hakulau kalekona no nā mōʻī Kōlea

Ua maikaʻi loa kēia hakulau no nā kānaka hoihoi i ka makani wai (風水 fēng shuǐ ) no ka mea he hōʻailona pōmaikaʻi ke kalekona.

He hakulau o nā huapalapala Kōlea

Hiki paha iā ʻoe ke ʻike i nā huapalapala Kōlea: ㄱ, ㄴ, ㄷ, ㅁ, ㅅ, ㅎ, ㅡ, ㅣ ?

He hakulau i paʻi a kokoke loa mai ka pale pākaukau

A hui hou!

Aia i hea?

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia mau lā?

Inā kamaʻāina ʻoukou i ke kahuapaʻa ʻo Ulukau, ua ʻike paha ʻoukou i kēia puke ma laila.  ʻO Aia I Hea ke poʻo inoa o kēia puke.  Ua hoʻoholo au, makemake au e heluhelu i kekahi puke a i ʻole kekahi ʻatikala ma ka ʻōlelo Hawaiʻi i kēlā me kēia pule, inā hiki.  He puke o ka pae hoʻomaka kēia, no laila, maʻalahi nō.  Akā naʻe, ua heluhelu nō au i kēia puke, no hoʻi i hoʻokahi puke ma ka ʻōlelo Hawaiʻi i kēia pule!

He moʻolelo pōkole kēia no ka pāpāʻōlelo ma waena o Kalaʻi a me kona makua kāne.  Ua poina ʻo Kalaʻi i kāna pāisi ma ke kula.  Aia kāna haʻawina, waihona a me puke heluhelu i loko o ka pāisi!

A hui hou!

Ka ʻEmepela Wahine ʻo Cheonchu

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia mau lā?

Ua lōʻihi ka manawa i kākau ʻole ma ʻaneʻi.  E like me ka maʻamau, ua paʻahana, moloā, a pēlā aku ..... E kala mai.

Ka ʻEmepela Wahine ʻo Cheonchu

  

Eia ka pūkaʻina polokalamu kīwī Kōlea ʻo Ka ʻEmepela Wahine ʻo Cheonchu (천주태후, 千秋太后) aʻu i nānā ai i kēia mau lā.  He polokalamu mōʻaukala Kōlea e pili ana ke ola o ka ʻEmepela Wahine ʻo Cheonchu o Goryeo (고려, 高麗).  ʻO Goryeo (918 - 1392) kekahi aupuni mōʻī o Kōlea ma ka wā kahiko loa.  Aia 78 pukana a i ʻole 78 hola o kēia pūkaʻina polokalamu kīwī.  E nānā ana au i kēia ma nā dēwīdē aʻu e hoʻolimalima ai.  Ma muli o koʻu paʻahana loa, hiki iaʻu ke nānā i hoʻokahi pukana ʻelua pukana paha i hoʻokahi pule.  I nehinei, ua nānā au i ka pukana 40.  

ʻO Chae Shira, ka hana keaka no ka hāmeʻe o ka ʻEmepela Wahine ʻo Cheonchu

A hui hou!

Ka waiūtepe wanila custard

Aloha mai nō kākou e nā makamaka heluhelu a me koʻu mau hoaaloha. Pehea ʻoukou i kēia lā?

Ua ʻōlelo ʻia he meaʻai hāʻehuola ka waiūtepe, no ka mea, nui ka polokina, ke kalipuna, ka wikamina B6 a me ka wikamina B12. Makemake au i ka waiūtepe a kūʻai pinepine. I koʻu hele ʻana aku i ka mākeke nui i kēlā pule aku nei, ua loaʻa iaʻu he waiūtepe hou. ʻO ka waiūtepe wanila custard ka waiūtepe hou i kūʻai ʻia aku ai. Nui koʻu makemake i nā meaʻono me ka wanila. ʻOno nō, ʻeā? A, ʻono loa kēia waiūtepe hou! ʻĀ! Aia he huaʻōlelo Hawaiʻi no custard? ʻAʻole i loaʻa ma ka puke wehewehe ʻōlelo.Eia ka ʻikepili kūlana ʻaiaola o kēia waiūtepe no 100 kalame.

• ikehu‘ā .................................... 110 ikpk.
• polokina .................................. 4.0 kal.
• ‘ailakele .................................. 3.2 kal.
• kōpia ....................................... 16.2 kal.
• sodiuma .................................. 39 mkal.
• kalipuna .................................. 138 mkal.

ʻAno nui paha ka ʻailakele kō loko, akā, inā ʻai au 100 kalame wale nō i hoʻokahi lā, ʻaʻole pilikia!

A hui hou.

ʻO Nice Simon

Aloha mai nō kākou e nā makamaka heluhelu a me koʻu mau hoaaloha. Pehea ʻoukou i kēia lā?

I kēia makahiki, ua hoʻomaka au e aʻo mai i ka ʻōlelo Heiti. Nui koʻu paʻahana i nā lā a pau, akā, hoihoi au iā Heiti, no laila, makemake au e hoʻopaʻa i ka ʻōlelo o kēlā ʻāina. ʻAno like ka ʻōlelo Heiti me ka ʻōlelo Palani, akā naʻe, nui ka ʻokoʻa. He ʻōlelo paʻiʻai ka ʻōlelo Heiti. Iā ʻoe hoʻolohe i ka ʻōlelo Heiti, manaʻo ʻoe 「ʻĀ! ʻO ka ʻōlelo Palani nō kēia!」 no ka mea, nui nā huaʻōlelo Palani i hoʻohana ʻia. Iā ʻoe heluhelu i kekahi ʻatikala i kākau ʻia ma ka ʻōlelo Heiti, ʻaʻole maopopo paha iā ʻoe, no ka mea, ʻokoʻa ka pilinaʻōlelo Heiti me ka pilinaʻōlelo Palani.

I koʻu hoʻomaʻamaʻa ʻana i ka ʻōlelo Heiti i kēia pō, ua huli au i kekahi wikiō ma YouTube no ka hoʻolohe i kēia ʻōlelo hou. Ua loaʻa iaʻu ka wikiō i kapa ʻia ʻo La Victime. He moʻolelo kaumaha kēia kiʻiʻoniʻoni e pili ana i kekahi ʻohana ʻilihune ma Heiti. ʻO Nice Simon ka hāmeʻe nui o ia kiʻiʻoniʻoni. E kaomi mai ma ʻaneʻi no kona kahua paʻa.

ʻO Nice Simon

A hui hou!