2016-10-03

He puaʻa pūhuluhulu

Aloha mai nō kākou e nā makamaka heluhelu a me koʻu mau hoaaloha!  Pehea mai nei ʻoukou i kēia lā?

I kekahi mau lā aku nei i koʻu kele ʻana ma ka pūnaewele, ua heluhelu aʻe au i ka ʻatikala e pili ana i ka puaʻa Hunakalia i kapa ʻia ʻo Mangalica.  Hiki nō hoʻi ke ʻike ʻia ʻelua pela ʻana ʻokoʻa ʻo Manglitsa ma ʻEnelani a ʻo Mangalitza ma ʻAmelika ma muli o ka puana ʻana o ka huapalapala c ma ka ʻōlelo Hunakalia, ʻo ia hoʻi, puana ʻia ka huapalapala c ma ka ʻōlelo Hunakalia e like me ke kani ts ma ka ʻōlelo Pelekānia.

Kiuke kēia puaʻa pūhuluhulu, ʻeā?  He hulu mānoanoa ko kēia ʻano puaʻa.  Ua hoʻopiʻi kaʻakepa ʻia nā ʻano puaʻa Szalonta a me Bakony o Hunakalia me nā puaʻa Šumadija o Serebia ma ke kenekulia ʻumikūmāwalu a ua hānau ʻia kēia ʻano puaʻa pūhuluhulu.

Ka puaʻa pūhuluhulu

Ka puaʻa pūhuluhulu

Kiuke nō!

Ka puaʻa pūhuluhulu

Nā keiki puaʻa pūhuluhulu


A hui hou!

No comments: