2016-02-24

Kekahi puke ʻōlelo Kōlea no Buda

Aloha mai nō kākou e nā makamaka heluhelu a me koʻu mau hoaaloha!  Pehea mai nei ʻoukou i kēia lā?

No kekahi mau makahiki aʻu e aʻo mai nei i ka ʻōlelo Kōlea.  He ʻōlelo nani a hoihoi ka ʻōlelo Kōlea.  A laila, hiki iaʻu ke huakaʻi i Kōlea i ʻekolu a i ʻole ʻehā manawa o ka makahiki.  I koʻu huakaʻi ʻana i laila, hele ʻiʻo aku au i ka hale kūʻai puke no ka hoʻohui ʻana i kekahi mau puke i kaʻu hōʻiliʻilina puke!  Nui ʻino kaʻu mau puke ma ka hale, akā naʻe, he pilikia.  Liʻiliʻi wale nō nā puke aʻu i heluhelu ai.

Ma ka hopena o kēlā makahiki aku nei, ua hoʻoholo au e heluhelu i nā puke he nui mai kaʻu hōʻiliʻilina i kēia makahiki.  Paʻahana nō au i nā lā a pau, akā, ma mua o koʻu hoʻi ʻana i ka hiamoe, hoʻāʻo au e heluhelu i kekahi mau ʻaoʻao o ka puke ʻōlelo Kōlea me ka hoʻohana ʻana i ka puke wehewehe ʻōlelo Kōlea - ʻōlelo Kepanī.  He puke wehewehe ʻōlelo uila ia, no laila, ʻoi aku ka ʻāwīwī o koʻu huli ʻana i nā huaʻōlelo maopopo ʻole ma mua o ka puke wehewehe ʻōlelo maʻamau.

ʻO 석가모니: 진리의 등불을 밝힌 불교의 창시자 (Seokkamoni: Jilli-ui Deungbul-eul Balkin Bulgyo-ui Changsija) ka inoa o kēia puke.  ʻO 석가모니 (釋迦牟尼 Seokkamoni) kekahi inoa o Buda ma ka ʻōlelo Kōlea.  ʻO Shakyamuni kēia inoa ma ka ʻōlelo Pelekānia mai ka inoa शाक्यमुनि Śākyamuni ma ka ʻōlelo Sanskrit.  ʻO Sākamuni paha kēia inoa ma ka ʻōlelo Hawaiʻi.  He puke kēia no ke ola o Buda.  ʻAʻole paʻakikī loa a ua hiki iaʻu ke heluhelu i ia puke holoʻokoʻa me ka wikiwiki i hoʻokahi pule.  He 77 wale nō ʻaoʻao i loko o ka puke a ʻano nui nā kaha kiʻi kekahi.  He 9,800 kālā Kōlea kēia puke, ma kahi o ʻewalu kālā ʻAmelika.

Ka ʻili alo o ka puke

Ka hoʻomaka o ka puke

Ka papa kuhikuhi

Ua hāpai ka makuahine o Sākamuni

Ua hānau ʻia ʻo Sākamuni

He ʻaoʻao o ka puke
I loko o ke kākela ʻo Sākamuni

Puka mai ʻo Sākamuni mai ke kākela

Hui ʻo ia me kekahi ʻelemakule

ʻO Buda

Ka ʻili kua o ka puke

He kiʻi pena Tibeta o Sākamuni

Kekahi kiʻi pena Tibeta ʻē aʻe o Sākamuni


A hui hou!

2016-02-23

Nā kamakūaka

Aloha mai nō kākou e nā makamaka heluhelu a me koʻu mau hoaaloha!  Pehea mai nei ʻoukou i kēia lā?

I koʻu wā kamaliʻi, ua lohe au i ka huaʻōlelo ʻo kamakūaka, akā, ʻaʻole au i ʻai i ia huaʻai.  No ke aha lā?  Ua kākaʻikahi paha nā kamakūaka ma Nūioka i kēlā wā, a i ʻole ʻaʻole makemake paha nā keiki i kēlā ʻono kūikawā o nā kamakūaka.  ʻAʻole au ʻike pono i ke kumu o koʻu ʻai ʻole ʻana.  Ma Iāpana nei, loaʻa nā kamakūaka ma nā hale kūʻai ma waena o nā mahina o Ianuali a me Malaki.  Nani ka waihoʻoluʻu a ʻano kiuke nā kamakūaka ma muli o ka liʻiliʻi o ia huaʻai.  He ʻekolu wale nō kenimika ke anawaena.  Liʻiliʻi nō!

I kēlā pule aku nei, ua hele kekahi haumāna au i ka mokuʻāina ʻo Miyazaki (宮崎) a ua kūʻai mai ʻo ia i nā kamakūaka ma laila.  Ua heluhelu au ma ka pūnaewele puka 70 pākēneka o nā kamakūaka Kepanī mai Miyazaki.  Kaulana nō ʻo Miyazaki i nā manakā pipiʻi loa.  Ua lohe au hoʻokahi haneli kālā ʻAmelika no hoʻokahi manakā Miyazaki.  Auē nō hoʻi ē!

Nā pua kamakūaka

He kiʻi o nā kamakūaka

Nā kamakūaka

Nani ka waihoʻoluʻu

Nā kamakūaka ma koʻu hale


Ua huli au i ka huaʻōlelo ʻo kamakūaka i kekahi mau ʻōlelo like ʻole:
ka ʻōlelo Hawaiʻi - kamakūaka
ka ʻōlelo Tonga - kamikuati
ka ʻōlelo Kōlea - 금귤 (金橘  geumgyul)
ka ʻōlelo Pākē - 金橘 (jīnjú) 
ka ʻōlelo Kepanī - 金柑 (きんかん kinkan)
ka ʻōlelo Wiekanama - kim quất
ka ʻōlelo ʻInidonesia - buah kumkuat
ka ʻōlelo Pōlani - kumkwat
ka ʻōlelo ʻUkelena - кумкват (kumkvat)
ka ʻōlelo Nepalaमुन्तला (muntala)
ka ʻōlelo Tailani -   ส้มจี๊ด (somchíd)
ka ʻōlelo Malalama - കുംകാറ്റ് ഓറഞ്ച് (kuṅkāṟṟ ōṟañc)
ka ʻōlelo ʻAlapia -   کام‌کوات (kam‌kwat)

 

A hui hou!

 

2016-02-21

Ka hale puhi palaoa ʻo Full Full

Aloha mai nō kākou e nā makamaka heluhelu a me koʻu mau hoaaloha!  Pehea mai nei ʻoukou i kēia lā?

Ma mua o koʻu hele ʻana e hoʻolohe i ka ʻaha mele kīkā Pukikī ma ACROS Fukuoka i nehinei, ua hele au i ka hale puhi palaoa ʻo Full Full (フルフル天神パン工房 Furu Furu Tenjin Pan Kōbō) ma Tenjin ma ka ʻaoʻao ʻākau o ka hale kūʻai puke ʻo Junkudō (淳久堂 Junkudō).  ʻAno hou ia hale puhi palaoa ma Tenjin, akā, loaʻa nā hale puhi palaoa ʻo Full Full ʻē aʻe ma Fukuoka nei.  ʻOno loa ka palaoa Palani me nā kowaū (明太子 mentaiko) ma Full Full!  Kaulana loa ʻo Fukuoka i nā kowaū.

Ma kahi o 30 kenimika ka lōʻihi o ka palaoa Palani me nā kowaū o Full Full a 380 kālā Kepanī ke kumukūʻai.  ʻAno pipiʻi, akā, pipiʻi nā mea a pau ma Iāpani.


Ka hakulau lōkō

Ka hale puhi palaoa ʻo Full Full

I loko o ka hale puhi palaoa

Ke ʻeke o ka palaoa Palani me nā kowaū

Ke kua o ke ʻeke

Ka palaoa Palani me nā kowaū

Ka palaoa Palani me nā kowaū

A hui hou!

2016-02-20

Ka ʻaha mele kīkā Pukikī

Aloha mai nō kākou e nā makamaka heluhelu a me koʻu mau hoaaloha!  Pehea mai nei ʻoukou i kēia lā?

Inā kamaʻāina ʻoe iā Fukuoka, ʻike ʻoe i ka hale ʻo ACROS Fukuoka (アクロス福岡 Akurosu Fukuoka).  Aia ʻo ACROS Fukuoka ma ka ʻāpana pāʻoihana kauwaena o Fukuoka a loaʻa nā hale kūʻai, nā hale ʻāina, nā lumi hōʻikeʻike, nā lumi hālāwai, nā keʻena hana, ke keʻena hoʻokani pila a me ke kikowaena mākaʻikaʻi no nā malihini i loko.  Mālama ʻia nā ʻaha mele, nā hōʻike hulahula, nā keaka mele a me nā hōʻike like ʻole i loko o ua keʻena hoʻokani pila, no ka mea, maikaʻi ke kani i loko o ia keʻena hoʻokani pila.

Ua hele au i ACROS Fukuoka i kēia lā no ka hoʻolohe ʻana i ka ʻaha mele kīkā Pukikī.  Ua nanea nā ʻelua hola i loko o ke keʻena hoʻokani pila.

 
Ka hakulau lōkō o ACROS Fukuoka

ʻO ACROS Fukuoka

Ke keʻena hoʻokani pila

Ka pelaha no ka ʻaha mele kīkā Pukikī

Nā mea hoʻokani kīkā Pukikī

Nā kīkā Pukikī

Ke kīkā Pukikī


A hui hou!



2016-02-14

Hauʻoli Lā Puʻuwai

Aloha mai nō kākou e nā makamaka heluhelu a me koʻu mau hoaaloha!  Pehea mai nei ʻoukou i kēia lā?

ʻO ka Lā Puʻuwai kēia!  Eia kekahi kāleka iā ʻoukou a pau!  Ua loaʻa paha iā ʻoukou ke kokoleka i kēia lā?  Laki nō au, no ka mea ua loaʻa iaʻu kekahi mau pahu kokoleka Godiva. Hū ka ʻono!  Makemake au e ʻai i ke kokoleka me ka inu ʻana i ke kī.  ʻAno momona ke kokoleka a ʻano ʻawaʻawa ke kī.




Ka pahu kokoleka o Godiva

Nā kokoleka i loko


A hui hou!

2016-02-13

Ka Hoʻokūkū Puhi Palaoa Kauʻāina 2016

Aloha mai nō kākou e nā makamaka heluhelu a me koʻu mau hoaaloha!  Pehea mai nei ʻoukou i kēia lā?

ʻO ke kime Kōlea Hema ka mea lanakila o ka Hoʻokūkū Puhi Palaoa Kauʻāina o ka makahiki 2016.  Hoʻomaikaʻi!

E like me ka Hoʻokūkū Pōwāwae Kauʻāina, Nā Pāʻani ʻOlumepika a i ʻole nā hoʻokūkū o nā haʻuki ʻē aʻe,  mālama ʻia ka Hoʻokūkū Puhi Palaoa Kauʻāina (La Coupe du Monde de Boulangerie ma ka ʻōlelo Palani) i kēlā me kēia ʻehā makahiki.  Ua mālama ʻia ka Hoʻokūkū Puhi Palaoa Kauʻāina o ka makahiki 2016 ma Palika i Palani i kēlā pule aku nei, ʻo ia hoʻi ma ka lā 6 a hiki i ka lā 8 o Pepeluali.  He 12 kime o nā ʻāina like ʻole - Iāpana, ʻAmelika Hui Pū ʻia, Taiuana, Hōlani, Kina, Palani, Kanakā, Kuleke, Kōlea Hema, Lūkia, Palakila a me Mauritiusa.

ʻEkolu kanaka i nā kime a pau, a laila he loea kēlā me kēia kanaka o ke kime i nā ʻekolu māhele o ua hoʻokūkū nei, ʻo ia hoʻi ka māhele palaoa palani (baguette) a me palaoa kūikawā, ka māhele palaoa hakulau pāheona a me ka māhele palaoa momona (viennoiserie).

Ka Hoʻokūkū Puhi Palaoa Kauʻāina

Nā kime

Ke kime o Kōlea Hema

Nā palaoa like ʻole o ke kime o Kōlea Hema

E hoʻomākaukau ana i ka palaoa pāheona

Ka mea pana pua me ka palaoa

Ka mea pana pua

Ke kime o Kōlea Hema

Nā mea lanakila o kēia makahiki

Hoʻomaikaʻi!

A hui hou!