Ke Ki'o Ahi

Pō'alua, 13 Kepakemapa 2005

Aloha mai kākou!

I kēia mau lā, 'a'ole au i kākau ma 'a'nei. Ua pa'ahana au. Ua māluhiluhi au. Ua moloā au. Ua ulukū au. Pono au e a'o aku ma ke kula ki'eki'e hou a 'a'ole makemake nā haumana o kēlā kula e ho'opa'a ha'awina. Pono au e ho'omau i nā papa i laila ā hiki i kēia makahiki a'e. Auē! Loa maoli ia!

Ua 'au'au a'e nei au. I kēia manawa, ke inu nei au i ke kī 'ono a ke 'ai nei i ka pea Kepanī. Momona loa ka pea Kepanī a wai nui ia. Aia au i ka palekaiko nei? Pēlā paha, akā e ho'i koke ana au i ke ki'o ahi.

A hui hou!