2006-11-02

Ke Kī 'Ōma'oma'o Maedaen

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

‘Ā! Makemake lua ‘ole au i nā kī like ‘ole! Aia ke kī ‘ōma‘oma‘o Kepanī, nā kī Pākē, nā kī Pelekāne a me nā kī mai Kōlea, ‘Īnia, Sililanaka, Taiuana, a pēlā wale aku. ‘Ā! Mai poina kākou i ke kī kaulana mai ‘Apelika Hema. ‘Ae, makemake lua ‘ole au i nā kī! A i ke kope? ‘A‘ole! ‘A‘ole au inu i ke kope.

Eia kekahi kī ‘ōma‘oma‘o a au i kū‘ai mai ai

ma ka hale kū‘ai kī 前田園 Maedaen.

Eia ka pū‘olo kī.

He mau lau kī.

Ua mākaukau ke kī, akā ‘a‘ole nani loa ka waiho‘olu‘u o kēia kī. ‘A‘ole ‘ōma‘oma‘o ka waiho‘olu‘u, akā melemele nō. He kī‘aha kī Pākē kēia. Ua kū‘ai mai au i kēia kī‘aha kī Pākē ma Kōlea no ke kī Kepanī! Kau‘āina, eā!

A hui hou.

1 comment:

M Liko Puha said...

Aloha e ʻAnalū,

Makemake pū au i ke kī, he Kepanī ʻoe, he Kīnā ʻoe, he ʻĪnia ʻoe, a mea like.

ʻO kaʻu punahele hoʻi, ʻo ia ke kī Hawaiʻi! Ua ʻike nā kūpuna i ka waiwai o ke kī no ke olakino, he lāʻaulapaʻau ia.

No ka mamaki, he maikaʻi no ka pale ʻana aku i ka maʻi piʻi koko a me ka nāwaliwali o ke kino.

ʻO kekahi kī Hawaiʻi, ʻo ia hoʻi ke koʻokoʻolau.

E inu kī kāua i kēia lā nō!

Liko