Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?
Ma ka Lāpule au i hele ai i ka Pāka ʻo Maizuru ma Fukuoka nei e paʻi kiʻi. He aha ke kumuhana o nā kiʻi? ʻO ke kalo Pākē!
Eia ka hōʻailona ma ka ʻaoʻao o ka pāka. Ua kākau ʻia kēia hōʻailona ma ka ʻōlelo Kepanī 舞鶴公園, ma ka ʻōlelo haole Maizuru Park, ma ka ʻōlelo Kōlea 마이즈루 공원 a ma ka ʻōlelo Pākē 舞鹤公园. Nui nā hōʻailona o Fukuoka ma kēia mau ʻehā ʻōlelo. He aha ka manaʻo o 舞鶴 Maizuru? ʻO ka hulahula ʻana ka manaʻo o 舞 mai, a ʻo ka manu ʻū ka manaʻo o 鶴 tsuru, akā, ua loli ʻia ka puana i kēia inoa no zuru. No laila, ʻo ka manu ʻū e hulahula nei ka manaʻo o 舞鶴 maizuru. Nani ka manaʻo, ʻeā?
 |
| Ka hōʻailona o ka pāka |
 |
| He lau kalo Pākē |
 |
| He kalo Pākē |
 |
| He kalo Pākē i paʻi kokoke ʻia |
 |
| He ʻōpuʻu kalo Pākē |
A hui hou!
No comments:
Post a Comment