Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia mau lā? Holo ʻāwīwī ka manawa, ʻeā?
Ua kono ʻia au e koʻu mau hoaaloha e hele i ka hale ʻaina no ka pāʻina o koʻu lā hānau. ʻO koʻu lā hānau kēia lā, no hoʻi , ka lā ʻumikūmāono o ka mahina ʻo Iulai. Ma hope o ka noʻonoʻo ʻana iho, ua koho au i kekahi hale ʻaina Tailani i kapa ʻia ʻo ศาลาริมน้ำ Sala Rim Naam ma Fukuoka nei. ʻAno kahiko kēia hale ʻaina. Ua lohe au ua hoʻomaka ʻia kēia hale ʻaina ma waho o iwakālua makahiki aku nei, akā, ʻakahi nō au i hele i laila e ʻai.
 |
| ʻO ka hōʻailona hale ʻaina |
E like me ka maʻamau, ua ʻoka au i ʻōmole pia. He ʻano pia Tailani kēlā. ʻO ช้าง Chang ka inoa o kēlā pia. He pia Tailani pia kaulana loa! ʻĀ! ʻO ʻelepani ka manaʻo o ช้าง chang. Inā paʻi au i kiʻi o ka lepili i luna o ka ʻōmole, hiki nō ke ʻike ʻia ʻelua ʻelepani i loko o ka lepili ʻōmaʻomaʻo. Inā hoihoi ʻoe, e kaomi i kēia loulou o ka hui pia ʻo Chang. Ma hope o ka inu ʻana i ka pia, ua hoʻomau au e inu i kekahi mau kīʻaha meainu lama, no ka mea, ua hoʻokomo ʻia ka wai niu a me ka wai manakō i loko! Ua ʻono loa!
 |
| He meainu lama me ka wai niu a me ka wai manakō |
 |
| He sāleta pea Hawaiʻi me nā ʻōhiʻa lomi |
 |
| He palaoa palai Tailani i hoʻokomo ʻia i nā lauʻai |
 |
|
He mau ปอเปี๊ยะทอด popia thot nā lola kupulau i palai hoʻoluʻu |
 |
He mau ปอเปี๊ยะสด popia sot - nā lola kupulau maka
|
 |
He ʻaikalima niu me ke kī pīkake
Ua ʻono loa nā meaʻai a pau ma kēia hale ʻaina a makemake au e hele hou i laila!
Makemake
au e aʻo mai i nā ʻōlelo ʻē aʻe. He aha ka manaʻo o ka inoa o kēia
hale ʻaina? Ma ka ʻōlelo Tailani, he ʻaleʻo a i ʻole pāpaʻi ka manaʻo o
ศาลา sala, he kapa, lihi a i ʻole ʻae ka manaʻo o ริม rim, a he muliwai ka manaʻo o น้า
ม naam. No laila, he ʻaleʻo ma ke kapa o ka muliwai a i ʻole he pāpaʻi
ma ke kapa o ka muliwai ka manaʻo o Sala Rim Naam. Ua hoʻohana au i ka
puke wehewehe ʻōlelo Tailani ma Thai-language.com no ka huli ʻana i nā huaʻōlelo. Hoihoi nō!
A hui hou!
|
No comments:
Post a Comment