2014-07-19

Kaʻu peni makapōpō ʻo Monteverde

Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?
 
He kumu au a he haumāna nō hoʻi au, no laila, he mea nui ka peni no ke aʻo ʻana aku a me ke aʻo ʻana mai.  I koʻu hele ʻana i kekahi kikowaena kūʻai ma Fukuoka nei i kēlā makahiki aku nei, ua nānā au i nā peni like ʻole.  I koʻu nānā ʻana i kēia peni, ua hoʻoholo ʻāwīwī au e kūʻai mai ma muli o ka nani o ka ʻōmaʻomaʻo.  ʻO ka poni paha kaʻu waihoʻoluʻu punahele.  ʻAno kākaʻikahi nā mea poni, ʻeā?  Makemake nō hoʻi au i ka polū, ka ʻōmaʻomaʻo, a me ka ʻulaʻula.

He hui ʻAmelika ʻo Monteverde, akā, ʻaʻole au i kamaʻāina i ia hui ma mua o koʻu kūʻai ʻana mai i kēia peni ʻōmaʻomaʻo.  Nui koʻu makemake i nā peni pāuma a ua kūʻai mai au i kekahi mau peni pāuma ma mua.  ʻOi aku ka kūpono o ka peni makapōpō ma mua o ka peni pāuma, ʻaʻole anei?  Kamaʻāina paha ʻoe i ka peni makapōpō?  He peni maʻamau ia me ka pōpō liʻiliʻi i ka maka o ka peni.

ʻO Prima ka inoa o kēia pūkaʻina peni a ʻo Monteverde Prima Rollerball Green Swirl ka inoa piha o ka peni makapōpō aʻu i kūʻai mai ai.  Ua poina au i ke kumukūʻai, akā, ua uku au ma kahi o ʻelima kaukani kālā Kepanī a i ʻole kanalima kālā ʻAmelika.

Ka hakulau lōkō o Monteverde
Ka pahu makana o ka peni
Kaʻu peni makapōpō


A hui hou!

No comments: