Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?
I nehinei, ua hele au me nā hoaaloha i ka Hale Laʻa ʻo Ryūkōtokuji (瀧光徳寺) ma ke kaona ʻo Kiyama (基山)ma ka mokuʻāina ʻo Saga (佐賀). Nui loa nā manawa au i hele aku ai i ua hale laʻa nei. Ua makemake mākou e hele i laila i nehinei no ka pule ʻana a me ke paʻi kiʻi ʻana i nā kumulāʻau a keu aku i nā kumu mēpala me nā lau i loli ai i nā waihoʻoluʻu like ʻole o ka hāʻulelau e laʻa me ka melemele, ka ʻulaʻula a me ka ʻalani.
Ua hiki iaʻu ke pule, akā, ʻaʻole i loli nā lau i nā waihoʻoluʻu nani ma muli o ka mehana loa o kēia makahiki. Ua hāʻule iho wale nō nā lau palaunu i lalo. Ua ʻano hoka au. ʻO ka mea ʻāpiki, ua hiki iaʻu ke paʻi kiʻi i kēlā makahiki aku nei a he manaʻolana koʻu, hiki iaʻu ke hele i kēia makahiki aʻe kekahi. Ma ka ʻaoʻao pōmaikaʻi, ua hiki iaʻu ke hoʻomaha i loko o ka nahele i piha i nā kumulāʻau, nā mākōpiʻi a me nā meakanu ʻē aʻe. ʻOkoʻa loa kēlā wahi mālie me ka nohona i loko pono o ke kaona nui kulikuli.
 |
| Ka Hale Laʻa ʻo Ryūkōtokuji |
 |
| Ka palapala ʻāina o ka hale laʻa |
 |
| Ke kukui pōhaku |
 |
| Nui loa nā alipiʻi |
 |
| Ka hale laʻa kumu |
 |
| Ka hale laʻa kumu |
 |
| Nā meaʻala |
 |
| ʻO loko o ka hale laʻa kumu |
 |
| ʻO waho o ka hale laʻa |
 |
| Ka hale laʻa kumu |
 |
| Ka paehumu |
 |
| Ke kaupaku |
 |
| ʻO loko o kekahi hale laʻa liʻiliʻi |
 |
| Ka hālāwai hoʻonaʻauao |
 |
| He kiʻi o ka hoʻomana Buda |
 |
| He mau kiʻi o ka hoʻomana Buda |
 |
| He mau kiʻi ʻē aʻe |
 |
| E makaʻala i ke ahi |
 |
| Kaʻu kiʻi punahele |
A hui hou!
No comments:
Post a Comment