2008-09-04

Chinsukō

Aloha mai nō kākou e nā makamaka heluhelu a me ko‘u mau hoaaloha. Pehea mai nei ‘oukou?


Chinsukō

I ko‘u hele ‘ana i ka hale pule ma mua o ka hana i kēia kakahiaka, ua hui au i ka makuahine o kekahi haumāna a‘u a ua hā‘awi mai ‘o ia ia‘u i kekahi mau makana o kāna huaka‘i i Okinawa. Kama‘āina ‘oukou i ka mea‘ono kuki chinsukō? He mea‘ono kuki ku‘una ma Okinawa ka chinsukō. ‘O ka mea ma‘amau, kākau ‘ia ka chinsukō ma ka huahakalama hiragana ちんすこう, akā, aia nā hō‘ailona Kepanī kekahi - 金楚. ‘A‘ole hiki paha i nā Kepanī ke heluhelu i kēia mau hō‘ailona, no ka mea, kākau mau ‘ia ka inoa ma ka huahakalama hiragana e like me luna. Makemake loa au i nā chinsukō a ua ‘ai i nā manawa he nui, akā, ‘a‘ole hā‘ehuola paha kēia mea‘ono kuki Okinama, no ka mea, haku ‘ia me ka ‘aila pua‘a. ‘A‘ole pilikia! Nui ka ‘ono!

E Seki San, mahalo i nā makana!

A hui hou!

1 comment:

EOA said...

Aloha! Just found your blog. I just started my blog and would like to invite you and be a follower. Also, would like to exchange links. Mahalo!