Kanakē i koʻu pepeiao

Aloha mai nō kākou e nā makamaka heluhelu a me koʻu mau hoaaloha. Pehea mai nei ʻoukou i kēia lā?

Hoʻolohe mau au i ka puolo Hawaiʻi, akā, makemake au i ka hoʻolohe ʻana i ka puolo Kōlea kekahi. Kamaʻāina ʻoukou i ka mea puolo Kōlea ʻo 백 지영 Baek Ji Young? Ua hoʻopuka ʻo ia i ke mele hou ʻo 내 귀에 캔디 Kanakē i koʻu pepeiao ma ka lā 9 o ʻAukake ma kēia makahiki. I koʻu hoʻolohe ʻana i kēia mele no ka manawa mua, ʻaʻole i hiki iaʻu ke oki! Ua hoʻolohe au i ke mele i nā manawa he nui. I kēia mele, hīmeni ʻo Baek Ji Young me kekahi mea puolo o ka hui puolo Kōlea ʻo 2PM. ʻO 옥택연 Ok Taecyeon ka inoa o kēia lālā o 2PM. Eia ka wikiō:

내 귀에 캔디 - Kanakē I Koʻu Pepeiao

Pehea? Ua makemake ʻoukou i kēia mele a i ʻole ua kulikuli paha?

ke kiʻi o ka sēdē ʻo EGO a Baek Ji Young

ʻO Ok Taecyeon lāua ʻo Baek Ji Young

Inā maopopo iā ʻoukou ka ʻōlelo Kōlea, eia nā huaʻōlelo o ke mele:

내 귀에 캔디

(니가 원하는 그 말이 뭐야 내게 말해봐)
니가 무슨 말을 해준데도 나는 날아가
(제일 달콤한 그 말을 원한다면 나를 봐)
부끄럽지만 그 말을 원해 너도 알잖아
(사랑해) 사랑해 (I love you) I love you

(어떤 말을 원해도 다 니 귓가에 해줄께)
워 아이 니 (워 아이 니) Te quiero (Te quiero)
너무 달콤해서 말이 말같지가 않아
(내 귀에 캔디 꿀처럼 달콤해
니 목소리로 부드럽게 날 녹여줘)
내 귀에 캔디 꿀처럼 달콤해
니 목소리로 부드럽게 날 녹여줘

라라 라라라라 라라 라라라 라라라~

(달콤하게 적신 딸기 같은 너의 입술로)
달콤하게 적신 딸기 같은 너의 입술로
(말해 부드럽게 말해 빨리 나의 귓가로)
말해 부드럽게 말해 빨리 나의 귓가로
(사랑해) 사랑해 (I love you) I love you
(어떤 말을 원해도 다 니 귓가에 해줄께)
워 아이 니 (워 아이 니) Te quiero (Te quiero)

너무 달콤해서 말이 말같지가 않아
(내 귀에 캔디 꿀처럼 달콤해
니 목소리로 부드럽게 날 녹여줘)
내 귀에 캔디 꿀처럼 달콤해
니 목소리로 부드럽게 날 녹여줘

라라 라라라라 라라 라라라 라라라~

(내 귀에 캔디 꿀처럼 달콤해
니 목소리로 부드럽게 날 녹여줘)
내 귀에 캔디 꿀처럼 달콤해
니 목소리로 부드럽게 날 녹여줘
(내 귀에 캔디 꿀처럼 달콤해
니 목소리로 부드럽게 날 녹여줘)
내 귀에 캔디 꿀처럼 달콤해
니 목소리로 부드럽게 날 녹여줘

라라 라라라라 라라 라라라 라라라~

뒤늦게 노래를 알게되어서

빠져버렸네

택연,, 이 이기적인놈,,

넘 매력있잖아~~~ㅠㅠ

내귀에 캔디~!!♬

내귀에 캔디~!! ㅋ

날 녹여줘어~~~~!!

Ma loko o kēia mele, hīmeni lāua: 사랑해 Sarang hae, I love you, 我爱你 Wŏ ài nĭ (a i ʻole ma nā huapalapala ʻōlelo Kōlea 워 아이 니 ) a me Te quiero. Nui nā ʻōlelo like ʻole! Akā, ʻaʻohe Aloha au iā ʻoe! ma ka ʻōlelo Hawaiʻi. ʻAʻole pilikia...

Kanakē I Koʻu Pepeiao

A hui hou!

ʻO Niuolahiki

Aloha mai nō kākou e nā makamaka heluhelu a me koʻu mau hoaaloha. Pehea mai nei ʻoukou i kēia lā?




He haumāna ʻōlelo Hawaiʻi au ma nā papa pūnaewele o ʻAha Pūnana Leo. Noho au ma Iāpana nei a ʻaʻohe papa maʻamau o ka ʻōlelo Hawaiʻi ma kokoke i koʻu hale, akā, mahalo i nā papa pūnaewele, hiki iaʻu ke aʻo mai i ka ʻōlelo Hawaiʻi ma loko o koʻu hale ma kaʻu kamepiula! Laki nō au!

Akā naʻe, i kēia awakea, ua loaʻa iaʻu ka leka mai kekahi kumu ma ʻAha Pūnana Leo, ʻo Kumu ʻAlika a ua kākau mai ʻo ia aia koke ka papahana hou ma Niuolahiki, nō hoʻi, nā papa pūnaewele o ʻAha Pūnana Leo. Hiki iā kākou ke kāinoa i hoʻokahi papa no kanaonokūmālima kālā. Ua kākau ʻia ma ka leka uila e kali ana ʻo ʻAha Pūnana Leo i ʻelua pule. Inā aia ka pilikia o ka heluna o nā haumāna i kāinoa ʻia ai ma ka papa hou, pau paha nā papa pūnaewele a pau! Auē! ʻAʻole maikaʻi kēlā! Inā makemake ʻoe e aʻo mai i ka ʻōlelo Hawaiʻi, a i ʻole, kamaʻāina ʻoe me ke kanaka hoihoi i nā haʻawina ʻōlelo Hawaiʻi, e ʻōlelo koke aku ʻoe! He au emi kēia ma ʻAmelika a ma ka honua. Maikaʻi ʻole ka hoʻokele waiwai ma Hawaiʻi ala a ma ʻAha Pūnana Leo kekahi. Aloha ʻino!

Eia ka loulou o ka papahana hou ma ʻAha Pūnana Leo. E kaomi aku i ka loulou!

A hui hou!

Ka pia ʻo Ginga Kōgen

Aloha mai nō kākou e nā makamaka heluhelu a me koʻu mau hoaaloha. Pehea mai nei ʻoukou i kēia lā?

Ua paʻahana loa au i kēlā mahina aku nei ma ke kula kiʻekiʻe, no ka mea, ʻo ka hopena o ke kau kula mua a aia nā hōʻike hope loa o ia kau. I kēlā me kēia lā, pono au e aʻo aku i nā haʻawina mai ke kakahiaka a hiki i ka pō. I ka wā o nā hōʻike hope loa, hana au ma mua o nā haʻawina, ma hope o nā haʻawina a i nā hopena pule. ʻĀ! ʻAʻole hoihoi kēia moʻolelo, akā, ua makemake au e kākau 「E kala mai ʻoukou iaʻu i kēlā mahina aku nei, no ka mea, ʻaʻole au i kākau i ka ʻatikala ma ʻaneʻi ma kaʻu puke moʻomanaʻo pūnaewele.」

ʻO ka mea maʻamau, ʻaʻole au inu lama ma ka hale. I koʻu hele ʻana aku i ka mākeke nui i kēia lā, ua manaʻo au hele maila ka hāʻulelau a hoʻopau i nā hōʻike hope loa, no laila, ua hoʻoholo au e kūʻai mai i pia! Eia ka pia aʻu i kūʻai mai ai ma ka mākeke nui. ʻAʻole au kamaʻāina maikaʻi me kēia pia. Nani loa ke kini, no laila, ua makemake au e hoʻāʻo i ia pia. ʻO 銀河高原ビール Ginga Kōgen Bīru ka inoa. ʻO ka Iʻa (ka Iʻa Lele I Aka) ka manaʻo o 銀河 ginga a ʻo ka nuʻu laulaha ka manaʻo o 高原 kōgen. Ua maopopo paha iā ʻoukou ka manaʻo o ビール bīru? ʻAe! Pololei - ʻo ka pia ka manaʻo! Eia ka loulou o kēia hui pia.


A hui hou!

Ke kulfi

Aloha mai nō kākou e nā makamaka heluhelu a me koʻu mau hoaaloha. Pehea mai nei ʻoukou i kēia lā?

I nehinei, ua kākau au e pili ana i ka ʻaikalima ʻĪnia a me kekahi meaʻono ʻĪnia kuʻuna. E kākau iho au e pili ana i ka meaʻono ʻĪnia ʻo kulfi i kēia lā.

I ʻumikūmāono a i ʻole ʻumikūmāhiku makahiki aku nei, ua hele pinepine au i kekahi hale ʻaina ʻĪnia kokoke i ke kula ma kahi aʻu i hana ai. Ua poina au i ka inoa o kēlā hale ʻaina a ua pau ia hale ʻaina ma hope o ʻelima makahiki. Aloha ʻino! Ua ʻono kēlā hale ʻaina a ua ʻai mau au i ka monamona ma hope o ka ʻaina ma laila. I kekahi manawa, ua ʻoka au i ka monamona hou ʻo kulfi a ma hope o kēlā manawa iho, ua hoʻomau au e ʻoka i kulfi ma hope o nā ʻaina a pau! He aha ke kulfi? He monamona kēlā e like me ka ʻaikalima.


Eia kekahi lekapī mai ka pūnaewele. E hiki ana ke loaʻa ka lekapī kumu ma ʻaneʻi.

Kulfi

Nā mea e pono ai:
1 kini waiū kaʻeʻe
1 kīʻaha kalima
1 kini waiū kia
2 puna kī ʻanoʻano cardamom i wili ʻia
1/2 kīʻaha pikekakia i wili ʻia

Ke kaʻina hana:
1. E kāwili i nā mea a pau.
2. E hoʻopaʻahau i ke kāwilina i nā ʻomoʻomo liʻiliʻi i hoʻokahi pō.
3. E hoʻomikomiko i ke kulfi paʻahau me ka pikekakia i hoʻopē ʻia.
4. E ʻai iho!

ʻOno nō!

A hui hou!

ʻO Gianis

Aloha mai nō kākou e nā makamaka heluhelu a me koʻu mau hoaaloha. Pehea mai nei ʻoukou i kēia lā?

Ua ʻimi mai au i kekahi ʻatikala hoihoi ma Yahoo i kēia lā, a ua nānā au i kekahi wikiō e pili ana i ka ʻaikalima ma ʻĪnia. ʻAʻole au i hele i ʻĪnia i kēia manawa, akā, nui koʻu makemake i ka meaʻai ʻĪnia a me ka puolo ʻĪnia! I koʻu nānā ʻana i ia wikiō, ua hoʻohele au he kumuhana hoihoi ka ʻaikalima ʻĪnia no kēia puke moʻomanaʻo pūnaewele aʻu.


ʻO Gianis ka inoa o kēia hui ʻaikalima. Eia ka loulou o ke kahua paʻa ma ʻaneʻi. I koʻu manaʻo, ʻaʻole hana maikaʻi ʻia ke kahua paʻa, no ka mea, liʻiliʻi nā kiʻi o nā ʻaikalima. Ua ʻōlelo ʻia ma ka wikiō ua hoʻokumu ʻia ʻo Gianis ma kanalima makahiki aku nei ma New Deli a i kēlā manawa ua hana ʻo Gianis ai i kekahi meaʻono ʻĪnia kuʻuna, akā, ʻaʻole maopopo pono iaʻu ka inoa o ia meaʻono. Ua ʻōlelo ʻia ma ka wikiō aia kekahi au emi ma ka honua i kēia manawa, akā, nui nā mea kūʻai o nā ʻaikalima ma Gianis. I kēlā makahiki aku nei, aia ʻeiwa hale kūʻai ʻo Gianis a i kēia makahiki, aia iwakāluakūmāhā hale kūʻai! Aia ʻumikūmālima hale kūʻai hou i hoʻokahi makahiki wale nō! Ke hoʻāʻo nei au e ʻai i nā meaʻai hāʻehuola ma hope mai o ka hopena o ka hoʻomaha kauwela, akā, inā hiki, makemake au e ʻai i kekahi ʻaikalima ma Gianis! E ʻai ana au i ka ʻaikalima kuʻuna ma laila!

Ua loaʻa iaʻu kēia kiʻi ma ke kahua paʻa! ʻOno au i ka ʻaikalima i kēia manawa...

Laki maikaʻi iā Gianis!

A hui hou! ka ʻōlelo Hawaiʻi the Hawaiian language

Ka hua moa sesame

Aloha mai nō kākou e nā makamaka heluhelu a me koʻu mau hoaaloha. Pehea mai nei ʻoukou i kēia lā?

Ua loaʻa iaʻu kēia meaʻono mai kekahi haumāna aʻu i kēia lā! He makana mai Tōkyō kēia, a ʻaʻole hiki ke kūʻai ʻia mai ma Fukuoka nei. He mea minamina kēia, no ka mea, nui ka ʻono o kēia meaʻono kaulana! He aha lā kēia meaʻono? ʻO ごまたまご goma tamago ka inoa a ʻo semame ka manaʻo o ごま goma a ʻo hua moa ka manaʻo o たまご tamago.

Hoʻokahi hua moa sesame me ka wahī pepa

A e nānā kākou iā loko o kēia meaʻono. Aia ke kokoleka keʻokeʻo ma waho, ka meaʻono ma loko a ka mea hoʻopipili sesame ʻeleʻele ma ka waena o ka meaʻono.

Eia ʻelua hua moa sesame. Like ʻo waho me ka hua moa, akā, like ʻo loko me ka meaʻono.

A pehea lā ka ʻono o kēia meaʻono? ʻĒēēēē! ʻO ka palekaiko! Inā hele koʻu hoaaloha i Tōkyō, e noi ʻoe i kēia meaʻono. Kūʻai ʻia ʻo Goma Tamago ma ke kahua mokulele ma Tōkyō! Inā ʻaʻole hiki iā ʻoe ke kali, eia ka loulou o ka hui. Ua heluhelu au i ke kahua paʻa i kēia manawa aia hoʻokahi haneli a me ʻekahi ikehuʻā i hoʻokahi hua moa sesame. ʻAno pipi, akā, he mea hāʻehuola ka sesame ʻeleʻele, ʻaʻole anei? A pehea ke kokoleka keʻokeʻo? He mea hāʻehuola ke kokoleka keʻokeʻo? Inā ʻai i hoʻokahi hua moa sesame, ʻaʻole pilikia! Hoʻokahi haneli a me ʻekahi ikehuʻā wale nō! Akā, hiki lā iā wai ke ʻai i hoʻokahi wale nō?! ʻAe, he nīnau maikaʻi kēia.

ʻO ka piopio sesame ʻeleʻele. E huli iā ia ma Tōkyō!

Mahalo e Kelue i kēia meaʻono aʻu e makemake nui ai!

A hui hou!

He ʻaina awakea māmā

Aloha mai nō kākou e nā makamaka heluhelu a me koʻu mau hoaaloha. Pehea mai nei ʻoukou?

ʻO ka mea maʻamau, ʻai au i ka laiki ma ka hale. I koʻu hele ʻana i ka mākeke nui i nehinei, ua ʻike au i nā māpina ʻEnelani a ua ʻono au i kēia palaoa o kuʻu wā kamaliʻi. I kēia awakea, ua hoʻopāpaʻa i ia māpina. I ka manawa o koʻu kuke ʻana i ka pekona, ua holoi au i ka lekuke a me ka ʻōhiʻa lomi. Ua waiho au i nā mea a pau a luna o ka māpina pāpaʻa a kāpī i ka pepa a me ka paʻakai. ʻAʻole au i hoʻohui i ka meoneki, no ka mea, inā hiki, makemake au e ʻai i nā meaʻai hāʻehuola. ʻĀ! Pololei! ʻAʻole hāʻehuola loa ka pekona, akā, ua ʻai au i ʻelua pāpaʻa pekona wale nō, a ua hoʻokāwele au i ka ʻailakele ma mua o ka hoʻohui ʻana i ke kanauika.

Eia ka māpina

A eia ke kanauika me ke kī

I kēia ʻaina awakea, ua hana au i kīʻaha kī piki. Ua ʻano momona ke kī, akā, ua ʻono hoʻi me ke kanauika! I koʻu nānā ʻana i kēia mau kiʻi, pōloli hou au.

A hui hou!

Ke alelo kiapolō

Aloha mai nō kākou e nā makamaka heluhelu a me ko‘u mau hoaaloha. Pehea mai nei ‘oukou?

Naʻu i hoʻonui i ʻehā kilokalame i koʻu kino i kēia hoʻomaha kauwela o kēia makahiki, no ka mea, ua hele au me koʻu mau hoaaloha no ka ʻai ʻana a ka inu pia ʻana ma ka hale ʻaina i ʻekolu a i ʻole ehā manawa i hoʻokahi pule! Nui koʻu leʻaleʻa, akā, pono au e hoʻēmi kino i kēia mahina! Auē!

Kaulana kēia meaʻai ʻo ke alelo kiapolō ma Iāpana nei. He 蒟蒻 konnyaku ka huaʻōlelo Kepanī no ke alelo kiapolō a he meaʻai kuʻuna kēlā. I kēia mau makahiki, nui ka poʻe e ʻai nei i ke alelo kiapolō. No ke aha lā? Aia nā ʻeono ikehuʻā wale nō ma hoʻokahi haneli kalame! He meaʻai maikaʻi no ka hoʻēmi kino ʻana a ʻaʻole pipiʻi! Ua uku aku au i kanaiwakūmāwalu kālā Kepanī (hoʻokahi kālā ʻAmelika) no hoʻokahi pūʻolo!

Ka pua alelo kiapolō

He aha ke alelo kiapolō? He mea kanu kēlā me kekahi pua ʻano ʻē a hana ʻia ka mole o kēia mea kanu i kekahi ʻano kele. ʻAi au i nā nulu alelo kiapolō e like me ka pakeki i ka ʻaina ahiahi. He ʻono. ʻAʻole nui nā ikehuʻā, akā, nui ka hāʻaʻa ʻai. ʻO ka mea nui, ma hope o koʻu ʻai ʻana i ke pā nulu alelo kiapolō, māʻona au! Akā naʻe, makemake au e ʻai i meaʻono ma waho o nā nulu alelo kiapolō! Auē! No ke aha nui ai nā ikehuʻā i nā meaʻono, a liʻiliʻi nā ikehuʻā i nā meaʻai e like me ke alelo kiapolō?

He pūʻolo nulu alelo kiapolō

He mau nulu alelo kiapolō

A hui hou!

Ke kī kanakēʻeleʻele

Aloha mai nō kākou e nā makamaka heluhelu a me ko‘u mau hoaaloha. Pehea mai nei ‘oukou?

Nui koʻu makemake i ke kī a inu au i nā kīʻaha he nui i kēlā me kēia lā ma ka hana a ma ka hale. He kī kaulana ke kī ʻōmaʻomaʻo. Nui nā ʻano kī ʻōmaʻomaʻo ma Iāpana nei, akā, nui nā ʻano kī ʻē aʻe. Nui nā hale kūʻai kī kekahi. ʻAʻole au inu i ke kope a ʻaʻole au makemake i ka ʻaʻala o ke kope.

I kuʻu wā kamaliʻi ma Nūioka, ua kūʻai mai koʻu Pāpā i ke kanakēʻeleʻele i kekahi manawa a ʻai ʻo ia me ka minoʻaka nui. He keiki nīele au, no laila, ua makemake koke au e hoʻāʻo i kēlā kanakē ʻano ʻē i hōʻoluʻolu i koʻu Pāpā. I koʻu nahu ʻana iho i ke kanakēʻeleʻele, ua manaʻo au 「Auē! He kanakē lā kēia? He kanakē kēia na nā kānaka mākua wale nō!」 Ma hope iho, ʻaʻole au i ʻai a i ʻole hoʻāʻo hou i kēlā kanakē i ka wā o kanakolu makahiki!


Akā naʻe, i kekahi lā i kekahi mau mahina aku nei, ua hāʻawi mai kekahi haumāna aʻu iaʻu i pahu kī kanakēʻeleʻele! Ma mua o koʻu hoʻāʻo ʻana aʻe i ke kī, ua ʻōlelo mai iaʻu iho 「ʻAʻohe kope! Makemake au i nā kī a pau, no laila, ʻaʻole pilikia. ʻOno paha.」 Ua hana au i kīʻaha kī kanakēʻeleʻele i mākaukau i ka kiloi ʻana i ia kī. I koʻu pūʻiwa, nui ka ʻono o ia kī! Nui koʻu makemake o kēia kī hou!

ʻĀ! Ma hope o kanakolu makahiki, ua lilo paha au i kanaka makua.

ʻO Trans-herb ka inoa o ka hui e hana nei i ia kī. He hui Kanakā. Eia ka loulou o ka hui.

A hui hou!

ʻO Michael Newton

Aloha mai nō kākou e nā makamaka heluhelu a me ko‘u mau hoaaloha. Pehea mai nei ‘oukou?

I nā makahiki a pau, hoʻouna ʻia au i makana lā hānau e koʻu ʻohana ma ʻAmelika. E like me ka mea maʻamau, ua makemake au i nā puke i kēia makahiki kekahi! ʻŌlelo mau au i koʻu kaikuahine i nā inoa o nā puke i makemake ai a ma hope o kekahi mau pule, loaʻa iaʻu ka pahu nui i piha i nā puke mai ʻAmelika. Ke kali i ka pahu puke, pīhoihoi mau au! Eia kekahi puke i loaʻa ai i kēia makahiki. Ua ʻike mua au i ka mea kākau o kēia puke, nō hoʻi ʻo Michael Newton ma ka nīnauele ma YouTube i koʻu ʻimi ʻana i nā wikiō e pili ana i ka hānau wawā. He kumuhana hoihoi ka hānau wawā.


He kauka ʻo Michael Newton a ua noiʻi ʻo ia no ka hānau wawā. I kēia puke, hiki iā kākou ke heluhelu e pili ana i ka wā ma waena o ka make a me ka hānau wawā. Hoihoi nō! Inā hiki, makemake au e kākau ma ʻaneʻi i ka mea o loko o ka puke, akā, paʻakikī loa noʻu. He minamina paha. E heluhelu ʻoukou i ka puke!


A hui hou!

Ka pāheona Malaisia

Aloha mai nō kākou e nā makamaka heluhelu a me ko‘u mau hoaaloha. Pehea mai nei ‘oukou?

Ua lōʻihi loa kaʻu hāmau ma kēia puke moʻomanaʻo pūnaewele! Auē! Ua kākau iho au ma ʻaneʻi ma ka lā ʻehā o Kepakemapa aku nei. Ua hala hoʻokahi makahiki! Ua lōʻihi loa! Nui koʻu paʻahana a nui loa koʻu moloā, no laila, ʻaʻole au i kākau aʻe. ʻAʻole maikaʻi kēia.

Makemake au e hoʻouka i kekahi kiʻi i kēia pō. Ma mua, pono au e huli i ia kiʻi ma kaʻu kamepiula.


Eia ke kiʻi. I kekahi lā, ua loaʻa iaʻu kēia kiʻi ma ka pūnaewele i koʻu kele ʻana. Ua kaha ʻia kēia kiʻi e ka mea pāheona Malaisia. ʻO wai lā kona inoa? ʻAʻole au i kākau i ka memo a ʻaʻole au i ʻike pono. Makemake au i nā waihoʻoluʻu o kēia kiʻi a me ka lau.

A hui hou!

Chinsukō

Aloha mai nō kākou e nā makamaka heluhelu a me ko‘u mau hoaaloha. Pehea mai nei ‘oukou?

Chinsukō

I ko‘u hele ‘ana i ka hale pule ma mua o ka hana i kēia kakahiaka, ua hui au i ka makuahine o kekahi haumāna a‘u a ua hā‘awi mai ‘o ia ia‘u i kekahi mau makana o kāna huaka‘i i Okinawa. Kama‘āina ‘oukou i ka mea‘ono kuki chinsukō? He mea‘ono kuki ku‘una ma Okinawa ka chinsukō. ‘O ka mea ma‘amau, kākau ‘ia ka chinsukō ma ka huahakalama hiragana ちんすこう, akā, aia nā hō‘ailona Kepanī kekahi - 金楚糕. ‘A‘ole hiki paha i nā Kepanī ke heluhelu i kēia mau hō‘ailona, no ka mea, kākau mau ‘ia ka inoa ma ka huahakalama hiragana e like me luna. Makemake loa au i nā chinsukō a ua ‘ai i nā manawa he nui, akā, ‘a‘ole hā‘ehuola paha kēia mea‘ono kuki Okinama, no ka mea, haku ‘ia me ka ‘aila pua‘a. ‘A‘ole pilikia! Nui ka ‘ono!

E Seki San, mahalo i nā makana!

A hui hou!

Kekahi pāheona na Jamini Roy

Aloha mai nō kākou e nā makamaka heluhelu a me ko‘u mau hoaaloha. Pehea mai nei ‘oukou?

Ua heluhelu ‘oukou i ka‘u ho‘olaha e pili ana iā Jamini Roy i nehinei? Eia ka pāheona kaulana loa na Jamini Roy ma ka Hale Hō‘ike‘ike o ka Pāheona ‘Ākia ma Fukuoka. Makemake loa au i kēia ki‘i a hiki ia‘u ke hele i ka hale hō‘ike‘ike e nānā i kēia ki‘i wale nō! Nani ka melemele! Nōhie ke kaila.

Keiki kia

Inā hele mai ‘oukou i Fukuoka, e hele aku e nānā i kēia ki‘i!

A hui hou!

Jamini Roy

Aloha mai nō kākou e nā makamaka heluhelu a me ko‘u mau hoaaloha. Pehea mai nei ‘oukou?

Kama‘āina ‘oukou i kēia mea pāheona Penekala (Bengali) mai Kalekuka (Calcutta), ‘Īnia? ‘O Jamini Roy a i ‘ole যামিনী রায় ma ka ‘ōlelo Penekala kona inoa. Ua ola ‘o ia mai nā makahiki 1887 a hiki i 1972. Ma nā makahiki kanakolu, ua ho‘omaka ‘o Jamini Roy i ke kaila hou. He kaila maka mua a me he kaila ‘Īnia ho‘i nō kona kaila.

Makuahine a me keiki

‘Ekolu wahine i noho iho

Pipi me keiki

Pōpoki me keiki

‘O Parvati lāua ‘o Ganesha

Ua kipa aku au i ka Hale Hō‘ike‘ike o ka Pāheona ‘Ākia ma Fukuoka nei i ‘ewalu makahiki aku nei a ua ‘ike mua i kekahi mau pāheona na Jamini Roy. Nui ko‘u makemake o kāna mau pāheona no ka mea, nani loa nā waiho‘olu‘u a ikaika loa nā kaha hulu pena. ‘Ano like kāna mau pāheona me nā mea i ki‘i ‘ia e nā keiki, akā, makemake au i kēia kaila! ‘Oi aku ka nani a me ka hoihoi o kāna mau pāheona ma mua o kā Picasso mau pāheona. I kekahi lā, inā hiki, makemake au e kū‘ai mai i kekahi pāheona na Jamini Roy. ‘Ā! Mai poina! ‘O ka lā ‘umikūmāono o Iulai ko‘u lā hānau... He ‘ōlelo ho‘ohani kēia i ko‘u mau hoaaloha a pau. Ua kū‘ai mai au i nā kāleka po‘oleka a pau ma ka Hale Hō‘ike‘ike o ka Pāheona ‘Ākia, no laila, makemake au i kekahi kope kumu!

A hui hou!

He aloha...

Aloha mai nō kākou e nā makamaka heluhelu a me ko‘u mau hoaaloha. Pehea mai nei ‘oukou?

Ua nui ka‘u hana a moloā loa au, no laila, ‘a‘ole au i kākau ma ‘ane‘i. ‘A‘ole hoihoi, ‘eā? Ua hele au i ka hale kū‘ai sēdē ‘o Tower Records ma Fukuoka nei a ua kū‘ai mai i kēia sēdē na Cody Pueo Pata. Makemake au i kona leo. Ke ho‘olohe nei au i kēia sēdē i kēia manawa. Makemake au i ke mele ‘o Ku‘u Home. Eia nā hua‘ōlelo o ke mele:

Ku‘u Home

na Cody Pueo Pata

He aloha kēia no ku‘u ‘āina

No ku‘u home, Maui nō ka ‘oi

Māhiehie Haleakalā
Ke kuahiwi ‘oi kelakela

Lei onaona, lei lokelani

Lei launa ‘ole i ka‘u ‘ike

‘A‘ohe lua e like ai

Me kou nani poina ‘ole

Puana ke aloha no ku‘u ‘āina

No ku‘u home, Maui nō ka ‘oi

E Cody, mahalo i kēia mau mele!

A hui hou!

'O Welina

Aloha mai nō kākou e nā makamaka heluhelu a me nā hoaaloha. Pehea mai nei ‘oukou?

Makemake au e kākau ma ‘ane‘i i kēlā me kēia pule, akā, pa‘ahana nā lā a pau. E kala mai ia‘u.

Ua heluhelu au i kēia puke na Malcolm Nāea Chun i kēlā pule aku nei. Makemake au e kū‘ai mai i kekahi mau puke i kēia mo‘o puke ‘o Ka Wana. Eia ke kahuapa‘a.

A hui hou!