Ka hōʻikeʻike hoʻonohonoho pua o Ikenobō

Aloha mai nō kākou e nā makamaka heluhelu a me koʻu mau hoaaloha!  Pehea mai nei ʻoukou i kēia lā?

Ma kahi o ʻumikūmālima makahiki aku nei, ua aʻo aku au i ka ʻōlelo Pelekānia i kekahi kumu aʻo hoʻonohonoho pua a haʻi maila ʻo ia iaʻu e hoʻomaka i nā haʻawina hoʻonohonoho pua.  Ma hope o koʻu manaʻo ʻana i kekahi mau mahina, ua hoʻoholo au e aʻo mai i ka hoʻonohonoho pua.  ʻO ke Kaila ʻo Sōgetsu (草月) ka inoa o kēlā ʻano hoʻonohonoho pua.  Nui loa nā kaila like ʻole o ka hoʻonohonoho pua ma Iāpana e laʻa me Sōgetsu (草月), Ikenobō (池坊), Ohara (小原), Katsurako (桂古), Saga (嵯峨) a pēlā aku.  Ua hoʻomau au e aʻo mai i ka hoʻonohonoho pua o Sōgetsu no ʻumi makahiki.  Ma hope iho, ua hele au a paʻahana loa ma muli o ka hana a pono au e haʻalele i nā haʻawina hoʻonohonoho pua.

I kekahi mau pule aku nei, ua loaʻa iaʻu nā kikiki no ka Hōʻikeʻike Hoʻonohonoho Pua o Ikenobō (池坊) ma ke kikowaena kūʻai ʻo Iwataya (岩田屋).  I koʻu hele ana i laila i nehinei, ua ʻano hoka au no ka mea liʻiliʻi wale nō nā pua i hoʻonohonoho ʻia i ke kaila kuʻuna.  Ua ʻike au i nā hoʻonohonoho pua me ka pepa kala i hoʻokomo ʻia i loko.  I koʻu manaʻo, ʻano ʻē kēlā.  ʻOi aku koʻu makemake i nā mea kuʻuna ma mua o nā mea hou loa.  E hoʻouka ana au i kekahi mau kiʻi o nā hoʻonohonoho pua kuʻuna o ka hōʻikeʻike ma lalo.

Ke Kikowaena Kūʻai ʻo Iwataya

Ka lōkō ʻo ke Kikowaean Kūʻai ʻo Iwataya

Ka pelaha o ka hōʻikeʻike hoʻonohonoho pua

Ka hōʻailona o ka hōʻikeʻike

Ka hoʻonohonoho pua na 天野 晴代

Ka hoʻonohonoho pua na 中山 濱子

Ka hoʻonohonoho pua na 川添 朋美

Ka hoʻonohonoho pua na 北山 雅子

Ka hoʻonohonoho pua na 藤原 恵峰

Ka hoʻonohonoho pua na 石橋 房枝

Ka hoʻonohonoho pua na 太田 敦子

A hui hou!