Aloha mai nō kākou e nā makamaka heluhelu a me koʻu mau hoaaloha! Pehea mai nei ʻoukou i kēia lā?
Ma muli o ke kokoke o ke kaipuni helu ʻumikūmāwalu i Fukuoka nei i kēia lā, ʻaʻohe papa i nā kula a pau ma ka mokuʻāina ʻo Fukuoka.
Hāʻawi ʻia i ka inoa kāne a i ʻole wahine i ka makani pāhili ma ʻAmelika e laʻa me ka makani pāhili ʻo ʻAnalū ma ka makahiki 1992, ka makani pāhili ʻo Katalina ma ka makahiki 2005, a me ka makani pāhili ʻo Makaio ma kēia mahina. ʻOkoʻa ka ʻōnaehana o ka hāʻawi ʻana i ka inoa i ke kaipuni ma Iāpana. Ke heluhelu ʻoe i ka ʻatikala nūpepa a i ʻole ke nānā ʻoe i ka nūhou ma ke kīwī ma ʻaneʻi, lohe ʻoe i nā kaipuni me kekahi helu e laʻa me ke kaipuni o kēia lā, ʻo ia hoʻi, ke kaipuni helu ʻumikūmāwalu (台風18号 taifū jyūhachi gō). ʻO ka manaʻo o kēia helu ʻo ke kaipuni ʻumikūmāwalu o kēia kau kaipuni. I koʻu manaʻo, ʻoi aku ka miomio o ka inoa kāne a i ʻole wahine ma mua o ka helu.
 |
| Ke Kaipuni Helu 18 |
 |
| Ke kaipuni Helu 18 |
A hui hou!
No comments:
Post a Comment