Ka Lā'au Kōlea

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

Eia he lā‘au Kōlea. Ua inu au i kēia lā‘au hā‘ehuola i nā lā a pau i ka wā o ‘elua mahina. Ua hana ‘ia kēia lā‘au e ka lau nahele, ka la‘alā‘au, ke kāloke Kōlea a me ka pepeiaohao kia! ‘Awa‘awa nō kēia, akā ‘awa‘awa ka lā‘au maika‘i, ē?

Kama‘āina ‘oukou i ke kāloke Kōlea. ‘O 인삼 insam ma ka ‘ōlelo Kōlea a ‘o ginseng ma ka ‘ōlelo Pelekānia. Kualana nō ke kāloke Kōlea i ka mea‘ai hā‘ehuola. ‘Ai au i ke kāloke Kōlea maka i ka mea‘ai a inu i ke mea inu kāloke Kōlea i ko‘u hele ‘ana i Kōlea. Inā maka, ‘ono nō ke kāloke Kōlea!

A hui hou!

'O Leokāne Pryor

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

Ua kū‘ai mai au i kēia sēdē na Leokāne Pryor. ‘O Maunahele ka inoa. Makemake nui nō au i nā mele a pau o kēia sēdē. Inā pono au e koho i ho‘okahi mele maika‘i wale nō o kēia sēdē, koho au iā ‘Ehukai. Nahenahe nō ka leo o Leokāne Pryor! Eia ke mele:

‘Ehukai
He wai nani a‘o ‘Ehukai
E hea wale mai ana
Me ka ‘i‘ini pau ‘ole

Ke one wela a‘o ‘Ehukai
E hō‘olu mai a ho‘oheno mai
Pumehana i ka pu‘uwai

Ka ‘ume mai i ka ‘ehukai
E lawe mai i ke onaona
Ho‘opē me ka ‘ano‘i

Hā‘ale ke aloha no ‘Ehukai
Puliki mai ke kai i ka lā
Ha‘a hiwahiwa mai ka lani

Ha‘ina ka puana a‘o ‘Ehukai
Pumehana me ke aloha
Pili me ke hau‘oli

E Leokāne Pryor, inā heluhelu ‘oe i kēia, e ‘olu‘olu ‘oe e ho‘omau e haku i nā mele! Makemake au i kāu mele a me kou leo!

A hui hou!

Ka Pūka'ina Wikiō - Lei Hulu

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

I kēia lā, ua nānā au i ka polokalamu kīwī Mānaleo ma ka‘u kamepiula ma ke ku‘ina pūnaewele. Ua hō‘ike ‘ia ‘elua wikiō mai ka pūka‘ina Lei Hulu. Na Kupuna Harry Ka‘ano‘ilani Fuller i ‘ōlelo e pili ana i ka lawei‘a ‘ana me ka lupe a na Kupuna Elia Ku‘ualoha Kawika Kapahulehua i ‘ōlelo e pili ana i ka holo wa‘a ‘ana i Tahiti. No Ni‘ihau kēia mau kūpuna, no laila, ua ‘ōlelo Ni‘ihau. Auē! Nui ka pa‘akikī o ka ‘ōlelo Ni‘ihau!

Mahalo nui loa, e Mānaleo! A mahalo nui loa, e ‘Aha Pūnana Leo no nā wikiō!

A hui hou!

'O Wikipikia Ma Ka 'Ōlelo Hawai'i?

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

Inā makemake au e ‘ike i nā kū‘ikena, huli koke iā Wikipedia. ‘O Wikipetia ma ka ‘ōlelo Hawai‘i, akā ua ho‘olale aku ‘o Woo i ka inoa Wikipikia. Mahalo, e Woo! Maika‘i nō kēia inoa! I kēia manawa, aia he 42 mo‘olelo wale nō ma ka ‘ōlelo Hawai‘i ma Wikipikia. Makemake au e kākau i ka mo‘olelo no Wikipikia ma ka ‘ōlelo Hawai‘i, akā pa‘akikī loa a maka‘u au i nā hewa.

E ‘olu‘olu ‘oukou e kākau i nā mo‘olelo ma Wikipikia.

A hui hou!

'O Sagar

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

He hale ‘aina ‘Īnia ‘O Sagar. Makemake loa au i ka mea‘ai ‘Īnia a hele pinepine au i kēia hale ‘aina, no ka mea, ‘ono nō!

‘O ka papa kuhikuhi mea‘ai kēia. ‘A‘ole hiki ia‘u ke heluhelu i ka ‘ōlelo Hinekū, akā maopopo ia‘u kēia hua‘ōlelo --

सागर! Sāgar!

‘O ka lōkō o Sagar kēia.

‘Ono ka‘u ‘aina awakea ke nānā aku, ē?

‘O ka palaoa ‘Īnia.

‘O ka curry kēia. He aha kēia ma ka ‘ōlelo Hawai‘i? Ua huli au i ka puke wehewehe ‘ōlelo Hawai‘i, akā ‘a‘ole aia. E ho‘ohana kākou i ka hua‘ōlelo kāli! Makemake maoli nō au i ke kāli! Inā ‘ai au i ke kāli i nā lā a pau, hau‘oli nō au! He kāli lū‘au haole kēia, no laila, ‘ōma‘oma‘o ia. Pipi‘i loa ka lū‘au haole ma Iāpana nei!

He mau lau‘ai ho‘olu‘u ‘ia.

A hui hou!

Hau'oli Lā Ho'omaika'i O Ka Makahiki 2006.

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

Hau‘oli Lā Ho‘omaika‘i!

A hui hou!

'O Ave Maria

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

I kēia lā, ua hele au me kekahi mau hoa aloha i Airefu, no ka mea, aia ka ‘aha mele o 元主 菊代 Kikuyo Motonushi. He pu‘ukani leo ‘ekahi ‘o Kiku. ‘Ā! ‘O Kiku kona inoa kapakapa! He kumu keaka mele ‘o Kiku a ‘o ka‘u haumāna ‘ōlelo ‘Īkālia. Makemake ‘o ia e hīmeni ma ka ‘ōlelo ‘Īkālia, ‘a‘ole ma ka ‘ōlelo Palani. No laila, ke a‘o mai nei ‘o ia ka ‘ōlelo ‘Īkālia.

na il Beato Angelico

Ua hīmeni ‘o ia i nā mele he ‘umikūmāiwa! ‘O Ave Maria na Giulio Caccini (1551-1618) kekahi hīmeni. Nani nō ka leo o Kiku! ‘O 前田 健治 Kenji Maeda ka mea ho‘okani piano.

Ma hope o ka ‘aha mele, ua hele mākou i ka hale ‘aina ‘Īkālia ‘o Punta e Comma, akā ua pa‘ahana ‘o Kiku, no laila, ‘a‘ole i hiki iā ia ke hele me mākou.

E Kiku, mahalo nui loa i nehinei!

A hui hou!

'O Humu Mā

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

Eia a‘e ‘o Humu mā! He kanaka makua au a ‘a‘ole makemake i nā pea pā‘ani, akā he mau makana kēia mai ko‘u mau hoa aloha. Kama‘āina lākou makemake au iā Hawai‘i a me nā mea Hawai‘i, no laila, ua hā‘awi mai ‘ia ia‘u kēia mau Humu!

Ka ‘ohana

‘O Humu

Me ka pua i kona lauoho. ‘O Humu kēia?

Hiki iā ia ke ‘ōlelo, akā ma ka ‘ōlelo Pelekānia wale nō. Hō ka minamina.

He kaulahao kī

A hui hou!

Nā 'Ikona Na Spanopoulos Mā

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

I kēia lā, e haku au i ka hua‘ōlelo Hawai‘i hou -‘ikona. He aha ka ‘ikona? ‘O εικόνα [ikona] kēia hua‘ōlelo ma ka ‘ōlelo Helene a ‘o icon ma ka ‘ōlelo Pelekānia. Kaulana nō nā ‘ikona mai Helene, no laila, ua ho‘ohana au i ka hua‘ōlelo Helene a ua haku au i ka hua‘ōlelo Hawai‘i. Akā, he aha ka ‘ikona? He ki‘i hemolele no Iesū, Malia, a i ‘ole nā kaneka. Makemake au i nā ‘ikona a ua ‘imi nui i ka pūnaewele i nā ‘ikona o kēia wā. Ua ‘ike au i nā ‘ikona nani he nui, akā ‘a‘ole i makemake loa au. I kekahi lā, ua kaunānā au i nā ‘ikona na Spanopoulos mā. Hō ke kamahoi o kā lāua mau ‘ikona! Makemake au e kū‘ai mai i kekahi ‘ikona na Spanopoulos mā! E ho‘olaha au i kekahi mau ‘ikona na Spanopoulos mā ma ‘ane‘i.

‘O Iesū

(Makemake maoli nō au i kēia ‘ikona polū!)

‘O ‘Ilini Kaneka

He mau ‘ānela

Kamahoi, ‘eā?

A hui hou!

Ka Pule Alaka'i A Ka Haku

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

Eia Ka Pule Alaka‘i A Ka Haku ma ka ‘ōlelo Hawai‘i.

E ko mākou Makua i loko o ka lani
E ho‘āno ‘ia Kou inoa
E hiki mai Kou aupuni
E mālama ‘ia Kou makemake ma ka honua nei
E like me ia i mālama ‘ia ma ka lani lā
E hā‘awi mai iā mākou i kēia lā
I ‘ai na mākou no nēia lā
E kala mai ho‘i iā mākou i kā mākou lawehala ‘ana
Me mākou e kala nei i ka po‘e i lawehala i kā mākou
Mai ho‘oku‘u ‘oe iā mākou i ka ho‘owalewale ‘ia mai
E ho‘opakele nō na‘e iā mākou i ka ‘ino
No ka mea, Nou ke aupuni,
A me ka mana, a me ka ho‘onani ‘ia, a mau loa aku
‘Āmene.

Ho‘ā‘o au e ha‘i Ka Pule Alaka‘i A Ka Haku ma ka ‘ōlelo Hawai‘i i nā lā a pau. Aia ka waihona kani o kēia pule ma ‘ane‘i.

na Μαρία Σιγάλα – Σπανοπούλου a me Νικόλαος Σπανόπουλος , Helene

A hui hou!

Ka Pai Pika

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

Makemake ‘oukou i ka pai pika? Ua kauoha au i ka pai pika i kēia pō!



‘O Pizza Pockets (Nā Pākeke Pika) ka inoa o ka hale ‘aina. Nui nā hale ‘aina Nā Pākeke Pika ma Iāpana nei. He kanakolukūmākolu hale ‘aina Nā Pākeke Pika ko Fukuoka nei!

Ua makemake au e ‘ai i ka pai pika hou.

‘O Ka Mō‘ī O Ke Ke‘a ka inoa o kēia pai pika, no ka mea, aia ‘ehā hapahā (A, B, C, D). Ua uku au i 1,150 kālā Kepanī no ka pai pika o 25 kenimika. Ua ‘ano kelekele ia, akā ‘a‘ole au i makemake e kuke i kēia pō. E ‘aiaola ana au i ka lā ‘āpōpō!

A hui hou!

Ka Mea'ono I'a Kepanī

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

He aha kēia?

He mea‘ono i‘a Kepanī me ka waiūpa‘a kēia. チーズ chīzu = waiūpa‘a かまぼこ kamaboko = mea‘ono i‘a Kepanī.

Eia ka ‘ikepili kūlana ‘aiaola no ho‘okahi mea‘ono i‘a (30 kalame):

• ikehu‘ā .................................... 35 ikpk.
• polokina .................................. 2.7 kal.
• ‘ailakele .................................. 0.8 kal.
• kōpia ....................................... 4.4 kal.
• sodiuma .................................. 246 mkal.
• kalipuna .................................. 138 mkal.

He mea‘ai hā‘ehuola ia? ‘A‘ole au ‘ike maika‘i, akā he ‘ai māmā maika‘i.

A hui hou!

'O Omā

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

He hale ‘aina hou ma Daimyo kēia.

‘O お万阿 Omā ka inoa o kēia hale ‘aina sushi.

He aha ka hua‘ōlelo sushi ma ka ‘ōlelo Hawai‘i -- ka laiki wīneka, ka laiki wīneka Kepanī? He hale ‘aina ‘ano ‘ē ‘o Omā, no ka mea, aia ka laiki wīneka a me ka 小籠包 shōronpō (ka mea‘ai Pākē; ‘a‘ole au ‘ike i ka puana Pākē. ‘O xiǎo lóng bāo ka puana Pākē? Pēlā paha! ‘O shōronpō ka puana Kepanī kēia.). Ua hele au e ‘ai i ka shōronpō. Ua kauoha au i ka ‘aina awakea. Aia ka laiki wīneka, ke kupa, a me ‘ekolu shōronpō. Ua ‘ono loa nā shōronpō, akā ‘o ka ‘ono ma‘amau ka laiki wīneka o kēia hale ‘aina.

E kala mai! ‘A‘ole au i pa‘i i ke ki‘i o ka shōronpō, no laila, ua pōloli nō au a ua ‘ai koke!

A hui hou!

Ke Kī 'Ōma'oma'o Maedaen

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

‘Ā! Makemake lua ‘ole au i nā kī like ‘ole! Aia ke kī ‘ōma‘oma‘o Kepanī, nā kī Pākē, nā kī Pelekāne a me nā kī mai Kōlea, ‘Īnia, Sililanaka, Taiuana, a pēlā wale aku. ‘Ā! Mai poina kākou i ke kī kaulana mai ‘Apelika Hema. ‘Ae, makemake lua ‘ole au i nā kī! A i ke kope? ‘A‘ole! ‘A‘ole au inu i ke kope.

Eia kekahi kī ‘ōma‘oma‘o a au i kū‘ai mai ai

ma ka hale kū‘ai kī 前田園 Maedaen.

Eia ka pū‘olo kī.

He mau lau kī.

Ua mākaukau ke kī, akā ‘a‘ole nani loa ka waiho‘olu‘u o kēia kī. ‘A‘ole ‘ōma‘oma‘o ka waiho‘olu‘u, akā melemele nō. He kī‘aha kī Pākē kēia. Ua kū‘ai mai au i kēia kī‘aha kī Pākē ma Kōlea no ke kī Kepanī! Kau‘āina, eā!

A hui hou.

'O Ka Hola 'Ehia Kēia?

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

‘O ka hola ‘ehia kēia? Ua mana‘o mau au i kēia nīnau. He uaki ka‘u, akā he uaki ha‘uki ia. Komo au i ka pa‘alole a me ka lei ‘ā‘ī i nā lā a pau mai ka Po‘akahi a hiki i ka Po‘alima, no laila, he uaki kūpono ‘ole kēia uika ha‘uki no kēia mau ‘a‘ahu. Ua ho‘oholo au e kū‘ai mai i ka uaki hou, akā e ‘imi ana au i ‘eono mahina ma nā hale kū‘ai like ‘ole o Fukuoka nei a ‘a‘ole i makemake au i nā uaki. I kekahi lā, ua ‘ike au i kekahi uaki nani, akā pipi‘i nō. Auē! Aloha ‘ino! ‘Ae, nani ka uaki, akā pipi‘i nō. Ua ho‘oholo au e kali iki. Ua hele au i ka hale kū‘ai i Kepakemapa a aia ke kū‘aiemi! Laki nō au! Ma hope o kekahi mau mahina, ua kū‘ai mai au i ka uaki nani. Makemake au i kēia uaki hou a ‘a‘ole mana‘o au i ka nīnau "‘O ka hola ‘ehia kēia?" i kēia manawa. ‘A‘ole he Rolex ka‘u uaki hou, akā pololei ia a makemake au i ke kaila. Kaulana ‘o Seiko ma ka honua? ‘A‘ole au ‘ike, akā kaulana nō ia i ka pololei ma Iāpana nei.

Ku‘u uaki hou

A hui hou.

Ke Kipi 'Uala Kahiki Hawai'i

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

Aia ka pā‘ina chijimi ma ke kula i kēlā mahina aku nei. Kama‘āina ‘oukou i ka chijimi? He palaoa palai Kōlea, akā ‘a‘ole momona. He aha ka inoa o ka chijimi ma ka ‘ōlelo Hawai‘i? kikimi? palaoa kikimi? palaoa palai Kōlea? Makemake au i ka inoa o ka palaoa kikimi. ‘Ae! He inoa maika‘i kēia!

Ua lawe aku kekahi hoa aloha i ke kipi ‘uala kahiki Hawai‘i i ka pā‘ina, no ka mea, makemake au i nā mea Hawai‘i. Ua nani ka pū‘olo o kēia kipi ‘uala kahiki a ua ‘ono nō! Mahalo nui loa, e Atsuko! Kama‘āina maika‘i ‘oe ia‘u!

Eia ka pū‘olo.

Nani ke ki‘i!

E Atsuko, makemake au e ‘ai hou i kēia kipi ‘uala kahiki...

A hui hou.

Ke Kanauika Palani

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

Makemake au i ke kanauika, akā ‘a‘ole makemake nui i ke kanauika me ka palaoa ke‘oke‘o. ‘Ono loa ka palaoa huika piha. Eia ka makana maiā Furuta.

Ua kū‘ai mai ‘o ia i kēia kanauika Palani ia‘u. Ua ‘ono nō kēia kanauika!

He kanauika me ka hame a me ka waiūpa‘a ia. Makemake au e ‘ai hou i pēia ke kanauika! Mahalo nui loa, e Furuta!

A hui hou!

Ka Puke O Nā Moe'uhane

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

I kēia lā, ua ho‘opau au e heluhelu i kēia puke na Caren Loebel-Fried. Ua hoihoi loa nā mo‘olelo a ua nani nā ki‘i o kēia puke. Kaulana paha kēia puke. Makemake au i ka mo‘olelo "Kanaka-o-kai".

Eia ka paena pūnaewele o Caren Loebel-Fried. E kōmi ‘oukou! Nui nā ki‘i ma laila.

No ka mo‘olelo Lauka‘ie‘ie kēia ki‘i. Nani nō, ‘a‘ole anei?


Makemake au e kū‘ai mai i nā puke ‘ē a‘e a pau na Caren Loebel-Fried. ‘Ā! Ke heluhelu paha nei ‘o Kanakaloka i kēia...

A hui hou.

Ke Kamani Haole

Aloha mai nō kākou e nā makamaka heluhelu a me nā hoa aloha. Pehea mai nei ‘oukou?

Kama‘āina ‘oukou iā Edgar Cayce?

‘O Edgar Cayce kēia.

Ua ha‘i ‘o ia:

Inā ‘ai ‘oe i ‘ekolu kamani haole i nā lā a pau, ‘a‘ohe ou ma‘i ‘a‘ai.

‘O ia? ‘A‘ole au ‘ike, akā makemake au i ka ‘ono o ke kamani haole a ‘ai au i ‘ekolu kamani haole i nā lā a pau! ‘Ono loa!

A hui hou!

Ko'u Mau 'A'ahu Kōlea

Aloha mai nō kākou e nā makamaka heluhelu a me nā hoa aloha. Pehea mai nei 'oukou?

Eia ko'u mau 'a'ahu Kōlea. Ua komo au i kēia ma hope o ka papa kuke ma ka Mahina 'Ākia o Fukuoka, no ka mea, aia ka pā'ina.

He lākeke

He pihi o ka lākeke

He kāma'a

'A'ole au i pa'i ki'i o ka lole wāwae. Aloha 'ino!

Ua kū'ai mai wau i kēia mau 'a'ahu ma Kōlea i 'ekolu makahiki aku nei.

Aloha a hui hou!

Ka Mahina O 'Ākia Ma Fukuoka

Aloha mai nō kākou e nā makamaka heluhelu a me nā hoa aloha. Pehea mai nei 'oukou?

'O Kepakemapa ka Mahina o 'Ākia ma Fukuoka i nā makahiki a pau. Nui nā 'oihana e pili ana 'Ākia i Kepakemapa. Aia ka ho'olaule'a ki'i'oni'oni, nā 'aha mele, nā 'aha hula, a me nā papa kuke 'Ākia. Kōkua mau au i ko'u kula ma ka papa kuke Kōlea.

I kēia makahiki, ua kuke mākou i kēia:

Ke kuke Kōlea

He 'i'o pipi me ka leka

He lau'ai me

He mea inu ho'okomo 'ia ka hau a me ka pea

Ua 'ono nā mea a pau!

Aia ke kuke mai Kōlea, Kina, Iāpana, Nepala, 'Āina Pilipino a me Lūkia i kēia makahiki. Aia 'o Lūkia i 'Ākia? Pēlā paha... I kēia makahiki a'e, e kūlia ana wau e kuke Hawai'i! Auē!

Aloha a hui hou!